Partiyaların illik maliyyə hesabatlarını təqdim etməsi üçün nəzərdə tutulan müddət bu gün başa çatır
Bu gün siyasi partiyaların Mərkəzi Seçki Komissiyasına (MSK) 2025-ci il üzrə maliyyə hesabatı təqdim etmələri üçün nəzərdə tutulan müddət başa çatır.
"Report"un xəbərinə görə, qanunvericiliyə əsasən, təqdim edilən hesabatlar MSK tərəfindən araşdırılacaq.
Bu gündən etibarən hesabat verən partiyaların siyahısı və təqdim etdiyi hesabatlar MSK-nın saytında yerləşdiriləcək.
Xatırladaq ki, siyasi partiyalar illik maliyyə hesabatlarını auditor rəyi ilə birlikdə hər il aprel ayının 1-dən gec olmayaraq MSK-ya təqdim etməlidir.
