Azərbaycanda son illərdə həyata keçirilən genişmiqyaslı struktur islahatları dövlət idarəçiliyinin çevikliyini artırmaq və xidmətlərin rəqəmsallaşdırılmasını təmin etmək məqsədi daşıyır. Bu islahatların mərkəzində dayanan əsas ideyalardan biri də qurumların daha optimal faəliyyətini təmin etməkdir.

İslahatlar nəticəsində bir sıra qurumlar birləşdirilib, yeniləri yaradılıb, bəzilərində işçilərin sayı azaldılıb. Amma hələ də rəhbər heyəti kifayət qədər böyük olan qurumlar da var. Məsələn, Əmək və Əhalinin Sosial Müdafiəsi Nazirliyinin tabeliyində olan Dövlət Məşğulluq Agentliyi kimi.

“Yeni Sabah” xəbər verir ki, hazırda agentliyin nəzdində 15 departament fəaliyyət göstərir. Həmin departamentlərin tərkibində isə müxtəlif istiqamətlər üzrə yaradılan 39 şöbə mövcuddur.

Sözügedən departamentlər aşağıdakılardır:

1.Təhlil və strateji planlaşdırma departamenti;

2. Məşğulluq tədbirləri departamenti;

3. Peşə hazırlığı departamenti;

4. Sosial tərəfdaşlarla iş departamenti;

5. Rəqəmsal həllər departamenti;

6. Daxili nəzarət və audit departamenti;

7. Hüquq departamenti;

8. İnsan resursları departamenti;

9. Maliyyə departamenti;

10. Beynəlxalq əlaqələr və layihələr departamenti;

11. Sənədlərlə iş və vətəndaş qəbulu departamenti;

12. İnzibati departament;

13. Kommunikasiya departamenti;

14. Məşğulluq imkanlarının qiymətləndirilməsi departamenti;

15. Böyük qayıdışa dair məşğulluq məsələləri departamenti.

Əlavə olaraq, DMA-nın paytaxt və regionlar üzrə 16 filialı var. Departamentlərdə olduğu kimi, fillarda da 57 şöbə fəaliyyət göstərir. Agentliyin filialları bunlardır:

1. Mərkəzi Mühasibatlıq və Təyinat filialı;

2. Mərkəzi Monitorinq və Qiymətləndirmə filialı;

3. Mərkəzi Karyera filialı;

4. Bakı Regional Məşğulluq filialı;

5. Gəncə-Daşkəsən Regional Məşğulluq filialı;

6. Abşeron-Xızı Regional Məşğulluq filialı;

7. Dağlıq Şirvan Regional Məşğulluq filialı;

8. Quba-Xaçmaz Regional Məşğulluq filialı;

9. Şəki-Zaqatala Regional Məşğulluq filialı;

10. Şirvan-Salyan Regional Məşğulluq filialı;

11. Lənkəran-Astara Regional Məşğulluq filialı;

12. Mil-Muğan Regional Məşğulluq filialı;

13. Şərqi Zəngəzur Regional Məşğulluq filialı;

14. Qarabağ Regional Məşğulluq filialı;

15. Mərkəzi Aran Regional Məşğulluq filialı;

16. Qazax-Tovuz Regional Məşğulluq filialı.

Agentliyin həmçinin Bakıda və regionlarda yaradılmış 4 Peşə hazırlığı mərkəzi mövcuddur. Sözügedən mərkəzlərin daxilində ümumilikdə 12 şöbə fəaliyyət göstərir:

1. Bakı Peşə Hazırlığı Mərkəzi Publik Hüquqi Şəxs;

2. Gəncə Peşə Hazırlığı Mərkəzi Publik Hüquqi Şəxs;

3. Göyçay Peşə Hazırlığı Mərkəzi Publik Hüquqi Şəxs;

4. Qarabağ Peşə Hazırlığı Mərkəzi Publik Hüquqi Şəxs.

Dövlət Məşğulluq Agentliyinin İdarə Heyəti sədr Hasil Abbasov və onun 4 müavinindən ibarətdir.

Beləliklə, qurumda bütün struktur vahidləri üzrə, ümumilikdə 163 rəhbər şəxs (departament, şöbə və filialı müdiri) çalışır. Bundan başqa, bütün müdirlərin ən azı bir müavini var.