Bakı və Düşənbə ikitərəfli münasibətlərin inkişaf perspektivlərini müzakirə edib
Azərbaycan və Tacikistan ikitərəfli münasibətlərin inkişafını müzakirə edib.
"Report" Tacikistan Xarici İşlər Nazirliyinə (XİN) istinadən xəbər verir ki, bu barədə müzakirələr bu ölkənin XİN başçısının müavini Nigin Alizodanın Azərbaycanın Düşənbədəki səfiri Əlimirzamin Əsgərovla görüşü zamanı aparılıb.
"Görüş zamanı tərəflər ikitərəfli münasibətlər kompleksinin hazırkı vəziyyətini və inkişaf perspektivlərini, həmçinin imzalanmış sənədlərin və əməkdaşlıq proqramlarının gedişatını müzakirə ediblər", - məlumatda vurğulanıb.
