ABŞ Səudiyyə Ərəbistanına Vaşinqtonun NATO-ya üzv olmayan əsas müttəfiqi statusu verib və Krallıqla strateji müdafiə müqaviləsi imzalayıb.

"Report"un məlumatına görə, ABŞ Prezidenti Donald Tramp bunu Vaşinqtona səfər edən Səudiyyə Ərəbistanının vəliəhd şahzadəsi və Baş naziri Məhəmməd bin Salman Əl Saudun şərəfinə Ağ Evdə verilən şam yeməyində çıxış edərkən bildirib.

"Səudiyyə Ərəbistanını rəsmi olaraq NATO-ya üzv olmayan əsas müttəfiqlər siyahımıza əlavə etməklə hərbi əməkdaşlığımızı yeni səviyyəyə qaldırdığımızı elan etməkdən məmnunam", - Ağ Ev rəhbəri deyib.

ABŞ Prezidenti həmçinin qeyd edib ki, iki tərəf tarixi strateji müdafiə müqaviləsi imzalayıblar.

18 noyabr, 22:50

ABŞ və Səudiyyə Ərəbistanı faktiki olaraq yeni ikitərəfli müdafiə paktı barədə razılığa gəliblər.

"Report"un məlumatına görə, ABŞ Prezidenti Donald Tramp bunu Ağ Evdə Səudiyyə Ərəbistanı vəliəhdi və Baş nazir Məhəmməd bin Salman Əl Saudla danışıqların əvvəlində jurnalistlərin suallarını cavablandırarkən bildirib.

"Biz praktik olaraq razılığa gəlmişik", - o, bu barədə suala cavabında deyib.

Qeyd edək ki, ABŞ Prezidenti Vaşinqtonda Səudiyyə Ərəbistanı vəliəhdini qəbul edir.