Azərbaycan və Böyük Britaniyanın bank sektorları arasında ölkəmizdə süni intellektin tətbiqi müzakirə edilib.

"Report" bu barədə "Azərbaycan Banklar Assosiasiyası" (ABA) İctimai Birliyinə istinadən xəbər verir.

Məlumata görə, Böyük Britaniyanın Azərbaycandakı Səfirliyi ilə əməkdaşlıq çərçivəsində ABA-nın nəzdindəki Ekspert Qrupları Londana işgüzar səfər edərək bu ölkənin dövlət və qeyri-dövlət sektorunu təmsil edən maliyyə institutlarının nümayəndələri ilə görüşüb.

Səfər çərçivəsində Böyük Britaniyanın mərkəzi bankı - "Bank of England" ilə süni intellektin tətbiqi və bu sahədə qanunvericilik bazasının formalaşdırlması, vahid kriptovalyutanın dövriyyəyə buraxılması istiqamətində apaırlan islahatlar və yeni çağırışlar mövzusunda müzakirələr aparılıb. Bundan başqa, Azərbaycan bankirləri qlobal maliyyə bazarlarında aparıcı rəqəmsal banklardan olan "Starlink Bank"in nümayəndələri ilə görüş keçirərək mövcud texniki infrastruktur, rəqəmsal məhsul və xidmətlər ətrafında fikir mübadiləsi aparıb. Səfər "Level39", "Entrust company", EY təşkilatı, habelə bır sıra fintexlərlə qarşılqılı görüşlər keçirilməsi ilə yadda qalıb.

Görüşlərdə bank sektorunda İT infrastrukturunun modernləşdirilməsi, rəqəmsal bankçılıq sahəsində qnaunvericilik bazası formalaşdırılması, maliyyə bazarlarında innovasiyaların tətbiqinin təşviqi məqsədilə "Innovation Hub"ın yaradılması, açıq bankçılıq və bulud əsaslı texnologiyaların tətbiqi, habelə müasir rəqəmsal həllərin tətbiqini təşviqi məqsədilə maliyyə bazarı iştirakçılarının birgə konsorsimumun yaradılması, süni intellektin və avtomatlaşdırılmış analitika sistemlərinin maliyyə bazarları sahəsində inteqrasiyası müzakirə olunub, bu innovativ həllərin bankçılıq sektorunda texnoloji transformasiyanı sürətləndirməkdə rolu təhlil edilib.