Zelenski: Putin müharibəni davam etdirmək istəyir, lakin bunu birbaşa deməkdən çəkinir
musahibe
Bu gün, 10:27
4

“Report” xəbər verir ki, bu barədə Ukrayna Prezidenti Volodimir Zelenskinin martın 13-də feysbukda dərc edilmiş videomüraciətində deyilib.
Zelenski Putinin 30 günlük atəşkəs təklifi ilə bağlı çıxışına cavab verib: “İndi biz hamımız Rusiyadan cəbhədəki sükut ideyasına cavab olaraq Putinin çox gözlənilən, çox manipulyativ sözlərini eşitdik — o faktiki olaraq hazırda imtina etməyə hazırlaşır”.
“Putin, sözsüz ki, birbaşa Prezident Trampa bu müharibəni davam etdirmək, ukraynalıları öldürmək istədiyini deməkdən çəkinir. Buna görə də onlar orada, Moskvada, sükut ideyasını elə ilkin şərtlərlə əhatə edirlər ki, ümumiyyətlə heç nə alınmasın və ya mümkün qədər uzun müddət alınmasın”, – dövlət başçısı vurğulayıb.
O, Kiyevin prosesi çətinləşdirmədiyinə, Moskvanın isə dağıdıcı mövqe nümayiş etdirdiyinə diqqət çəkib:
“Biz hər hansı bir şeyi mürəkkəbləşdirən şərtlər qoymuruq. Bunu Rusiya edir. Həmişə dediyimiz kimi, hər şeyi uzadacaq yeganə tərəf, destruktiv olacaq yeganə tərəf Rusiyadır. Onlara müharibə lazımdır”.
“İndi ona (Putinə – red.) təzyiq göstərmək lazımdır. Kömək edəcək sanksiyalar tətbiq etmək lazımdır. Rusiyanı müharibəni bitirməyə məcbur etmək üçün amerikalı tərəfdaşlarımızla, Avropa tərəfdaşlarımızla, dünyada sülh istəyən hər kəslə işləyəcəyik”, – deyə Ukrayna Prezidenti çağırış edib.