22 İyul – Milli Mətbuat və Jurnalistika Günü münasibətilə ölkəmizin bütün media nümayəndələrini, jurnalistləri, redaktorları, operatorları, fotojurnalistləri və informasiya sahəsində çalışan bütün həmkarlarımızı səmimi-qəlbdən təbrik edirəm!

Milli mətbuatımızın əsası böyük mütəfəkkir Həsən bəy Zərdabi tərəfindən qoyulmuş, bu müqəddəs yol illər boyu həqiqətin, söz azadlığının və xalqın maariflənməsinin xidmətində olmuşdur. Jurnalistika yalnız bir peşə deyil, cəmiyyət qarşısında böyük məsuliyyət, vicdan və etibar missiyasıdır.

Qələmini həqiqət naminə işlədən, obyektivliyi, dürüstlüyü və peşəkarlığı hər zaman uca tutan bütün media mənsublarına sonsuz minnətdarlığımızı bildiririk. Cəmiyyətin doğru və operativ informasiya ilə təmin olunmasında göstərdiyiniz fədakar əməyiniz yüksək qiymətə layiqdir.

Bu əlamətdar gün münasibətilə bütün həmkarlarıma möhkəm cansağlığı, yeni-yeni uğurlar, peşə fəaliyyətinizdə əzmkarlıq, tükənməz enerji və daim həqiqətin keşiyində dayanmağı arzulayıram. Qoy qələminiz həmişə həqiqəti yazsın, sözünüz cəmiyyətə işıq tutsun və fəaliyyətiniz xalqımıza fayda versin.

22 İyul – Milli Mətbuat və Jurnalistika Gününüz mübarək! Bayramınız mübarək, dəyərli həmkarlar!

Amid Əliyev
Memur.TV-nin rəhbəri
Azərbaycan Jurnalistlər Birliyinin üzvü