Rusiya Prezidenti Vladimir Putin belaruslu həmkarı Aleksandr Lukaşenkoya Ukrayna ilə əsirlərin mübadiləsi prosesinin təşkilində göstərdiyi köməyə görə təşəkkür edib.

“Report” xəbər verir ki, bu barədə Kremlin Mətbuat xidməti məlumat yayıb.

“Vladimir Putin Aleksandr Lukaşenkoya zəng edərək İstanbulda danışıqlar zamanı əldə olunmuş razılaşmaya uyğun olaraq mayın 23-25-də Qomel vilayətindəki Novaya Quta sərhəd-keçid məntəqəsində məhbusların mübadiləsinin təşkilində göstərdiyi köməyə görə dərin minnətdarlığını bildirib”, - məlumatda bildirilir.

Mətbuat xidməti həmçinin bildirib ki, dövlət başçıları telefonla Belarus-Rusiya gündəminin əsas cari məsələləri və beynəlxalq vəziyyəti müzakirə ediblər.