Azərbaycanın Əlcəzairdəki səfiri Tural Rzayev bu ölkənin Xarici İşlər, Milli İcma Xaricdə və Afrika Məsələləri Nazirliyinin Protokol idarəsinin rəhbəri Muxtar Amin Xəliflə görüşüb.

“Report” xəbər verir ki, bu barədə Əlcəzairdəki diplomatik missiyanın mətbuat xidməti bildirib.

“Əlcəzair Xalq Demokratik Respublikasının Xarici İşlər, Milli İcma Xaricdə və Afrika Məsələləri Nazirliyinin Protokol üzrə Baş Direktoru cənab Muxtar Amin Xəlif ilə Zati-aliləri Səfir cənab Tural Rzayev arasında görüş baş tutub”, – səfirliyin məlumatında qeyd olunub.

Mətbuat xidməti görüşün təfərrüatlarını açıqlamayıb.