"Ənsar Allah" üsyançı hərəkatının husiləri Qırmızı dənizdə batan "Eternity C" yük gəmisindən azı 10 ekipaj üzvünü Yəmənə aparıblar.

“Report” xəbər verir ki, dənizçilərin videoyazısını üsyançıların yaratdığı silahlı qüvvələrin mətbuat xidməti yayıb.

Görüntülərdə husilərin gəmiyə hücumundan sonra Yəmənə apardığı "Eternity C"nin 10 ekipaj üzvünün adları və fotoşəkilləri əks olunub.

Qiyamçıların suallarını cavablandıran ekipaj üzvləri bildiriblər ki, quru yük gəmisi İsrailin Eylat limanına üz tutmalı idi.