Xocalı soyqırımı barəsində oxuduğum zaman şokda idim. Ən böyük ironiya isə odur ki, Ermənistan bunu inkar edir.

Bunu “Report”un ABŞ bürosuna açıqlamasında ABŞ-nin Milli Müdafiə Universitetinin dosenti Stefan Bruks deyib.

Akademik Ermənistanın Xocalıda törətdiyi qətliamı dünyada ən ağlasığmaz vəhşiliklərindən biri adlandırıb: “Xocalı soyqırımına həsr olunmuş konfransdakı çıxışım doğru və yanlışı izah etməyə çalışan əxlaq nəzəriyyələri haqqında idi. Bütün bu nəzəriyyələrə baxmayaraq, hələ də baş verənləri anlaya bilmirəm. Kaş ki, nəzəriyyələrə əsaslanaraq bu dəhşətin hansı səbəbdən baş verəcəyinə dair məntiqli cavab verə biləydim”.

Bruks qeyd edib ki, etik dəyərlərə və milli kimliyə sahib olan millət digərinə qarşı bu cür cinayətə təşəbbüs etməz:

“21-ci əsrdə mülki insanlar hələ də qətlə yetirilir və bu, təəssüf ki, insanın içindəki şərin nə qədər dərin olduğunu göstərir. Eyni zamanda beynəlxalq münasibətlər sistemindəki qüsuru üzə çıxarır. Dövlətlər əsasən öz maraqları ilə hərəkət edirlər, lakin bu, çox vaxt əxlaq anlayışına əsaslanmır. Əgər bu, erməni vətəndaşlarının başına gəlsəydi, onlar buna susmazdılar. Bu isə yenə də dediklərimi təsdiqləyir – öz maraqlarını düşünmək eqoizmdir. Məncə, əsas problem də budur – insanlığın və mərhəmətin çatışmazlığı”.