Dini Qurumlarla İş üzrə Dövlət Komitəsinin təşkilatçılığı ilə Mingəçevir şəhərində “Qloballaşan dünyada ənənəvilik və müasirlik” mövzusunda konfrans keçirilib.

"Report"un Qərb bürosunun məlumatına görə, konfransda Dini Qurumlarla İş üzrə Dövlət Komitəsi və Mingəçevir Şəhər İcra Hakimiyyətinin rəhbərliyi, Milli Məclisin deputatları, Qafqaz Müsəlmanları İdarəsinin nümayəndəsi, hüquq mühafizə orqanlarının əməkdaşları, həmçinin din xadimləri, dini icma sədrləri iştirak edib.

Tədbirdə dövlət-din münasibətlərinin tənzimlənməsi, vətəndaşların dini etiqad azadlığının təmin olunması, milli-mənəvi dəyərlərin qorunmasının əhəmiyyəti barədə müzakirələr aparılıb.

Həmçinin, qloballaşmanın ənənəvi dəyərlərə təsiri, müasirliklə tarixi ənənələrin əlaqəsi kimi mövzular nəzərdən keçirilib.