ABŞ prezidenti Donald Tramp Qəzza zolağında vəziyyətin bir həftə ərzində həll olunacağını etiraf edib.

“Report” xəbər verir ki, o, müvafiq bəyanatı Vaşinqton yaxınlığındakı Endryus hərbi bazasında jurnalistlərlə söhbəti zamanı verib.

Ağ Ev rəhbəri Fələstin anklavında atəşkəslə bağlı danışıqların gedişi ilə bağlı sualı cavablandırarkən deyib:

“Qəzza ilə bağlı danışıqlar davam edir və ümid edirəm ki, biz gələn həftə ərzində nizamlanmaya nail olacağıq. Nə baş verəcəyini görəcəyik”.