Türkiyə və Pakistan arasında 24 müqavilə imzalanıb.

"Report" Türkiyə KİV-ə istinadən xəbər verir ki, imzalanma mərasimi Prezident Rəcəb Tayyib Ərdoğanın Pakistana səfəri çərçivəsində ölkənin Baş naziri Şahbaz Şəriflə görüşü zamanı baş tutub.

Görüşdən sonra Ərdoğan və Şərif iki ölkə arasında qəbul edilmiş “Strateji Tərəfdaşlığın Dərinləşdirilməsi, Diversifikasiyası və İnstitusionallaşması” adlı birgə bəyannaməni imzalayıblar.

Bununla yanaşı, Türkiyə Prezidenti və Pakistanın Baş nazirinin iştirakı ilə iki ölkə arasında müxtəlif sahələr üzrə 24 əməkdaşlıq müqaviləsi imzalanıb.