Azərbaycan və Slovakiya arasında biznes əlaqələrinin gücləndirilməsi müzakirə edilib.

"Memur.az" xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

"Ümumdünya Şəhərsalma Forumunun 13-cü sessiyası (WUF13) çərçivəsində Slovakiyanın investisiyalar, regional inkişaf və informasiya naziri Samuel Miqal ilə görüşmək xoş oldu. Azərbaycan-Slovakiya münasibətlərinin davamlı inkişafını və iqtisadi tərəfdaşlığın gündəliyində olan məsələləri vurğuladıq. Ölkələrimiz arasında biznes əlaqələrinin gücləndirilməsi, qarşılıqlı investisiyaların fəal təşviqi, sənaye, ticarət, enerji, infrastruktur və digər sahələrdə birgə fəaliyyətin genişləndirilməsi imkanlarını müzakirə etdik", - deyə o qeyd edib.