Pirallahı YPŞ əməkdaşının atdığı addım, bu gün də hər kəs tərəfindən alqışlanır



Yəqin ki, tam əksəriyyət o haqda məlumata malikdir ki, ölkəmizin Daxili İşlər Nazirliyinin tabeli qurumlarından biri də Baş Dövlət Yol Polisi İdarəsidir və uzun illərdir ki, bu sahədə çalışan əməkdaşlardan hər birinin fəaliyyəti daim diqqət mərkəzində olur. Sevindirici hal odur ki, son illər hər sahədə olduğu kimi, yol polisi sahəsində də bir çox islahatlar həyata keçirildi və bu yöndə atılan addımlar illər keçdikcə özünü göstərməyə başladı. Bir sözlə, istər yol hərəkəti qaydalarının tənzimlənməsi, istər vətəndaşların təhlükəsiz hərəkətlərinin təmin olunması, istərsə də ekoloji tarazlığın qorunması və s. istiqamətində müvafiq addımların atılması olduqca əhəmiyyət kəsb etdi. Qeyd edək ki, DİN-i müstəqil Azərbaycan Respublikasının əsas dövlət sütunlarından biri hesab olunur və belə bir səbəbdən də, hər kəs daxili işlər orqanı əməkdaşlarından hər birinin, o cümlədən yol polisi əməkdaşlarının da atdıqları addımları, ortaya qoyduqları yanaşmaları hər zaman diqqətdə saxlayır. Onu da qeyd edək ki, Azərbaycan Respublikasının Prezidenti İlham Əliyev cənablarının 20 iyun 2019-cu il tarixdə imzaladığı Sərəncam əsasında, polis general-polkovniki cənab Vilayət Eyvazov daxili işlər naziri vəzifəsinə təyin olundu. Hər kəs təsdiq edə bilər ki, belə bir təyinatdan sonra Nazirliyin bütün tabeli qurumlarında fərqli ab-hava formalaşmağa başladı. Yəni, ötən 5 il 15 gün ərzində daxili işlər orqanı əməkdaşlarının, eyni zamanda yol polisinin formalaşması istiqamətində lazımi addımlar atıldı və bu gün də atılmaqda davam edir. Belə bir səbəblər üzündəndir ki, polis əməkdaşları artıq insanların həm inam, həm də güvənc mənbəyinə çevrilib.

Onu da bildirək ki, hal-hazırda polis general-mayoru cənab Ramiz Zeynalovun rəhbərliyi altında yol polisinin şəxsi heyəti qarşıya qoyulan vəzifələri, ələlxüsus yol hərəkəti ilə bağlı hər kəsin həyat və sağlamlığının qorunması və s. kimi vəzifələri uğurla yerinə yetirirlər. Digər tərəfdən, bu gün ölkəmizdə yol hərəkəti sahəsində hüquqi normaların təkmilləşdirilməsi sahəsində də ciddi addımlar atılır və bu işdə beynəlxalq təcrübədən lazımi səviyyədə istifadə olunur. Faktdır ki, yol hərəkətinin təhlükəsizliyinin təmin olunması olduqca önəm kəsb edən əsas faktorlardan biridir. Belə ki, ildən-ilə nəqliyyat vasitələrinin artdığı bir vaxtda yolların əsaslı təmir olunması, genişləndirilməsi, yol hərəkətinin nümunəvi təşkili və hərəkət iştirakçıları tərəfindən qaydalara əməl olunması, məhz hərəkətin təhlükəsizliyinin təmin olunmasında mühüm amil hesab olunur. Bəli, bu kimi vəzifələrin yerinə yetirilməsində Pirallahı Rayon Polis İdarəsinin Yol Polis Şöbəsi əməkdaşlarının da xüsusi rolları olur. Məsələn, adicə bir faktı qeyd edək ki, bir müddət bundan öncə Pirallahı Rayon Yol Polis Şöbəsinin əməkdaşı, polis baş leytenantı Samir Həsənov bu rayonun ərazisində hərəkətdə olan, amma ünvan üzrə getməli olduğu yolla hərəkət etməyən Amid Əliyev adlı sürücüyə lazımi köməkliyini göstərir. Yəni, yol polisi əməkdaşı ilk əvvəl həmin sürücünü saxlayır və sürücünün yolu səhv hərəkət etməsinin səbəbini araşdırır, daha sonra Amid Əliyevdən hansı ünvana getməli olduğunu soruşur. Ümumi söz-söhbət zamanı yol polisi əməkdaşı Samir Həsənova aydın olur ki, sürücü bilərəkdən deyil, məhz bilməyərəkdən yolun hərəkət istiqamətində səhv hərəkət edib. O halda tərəflər birbirini qarşılıqlı anlaşma şəraitində başa düşürlər və yol polisi əməkdaşı yolu səhv hərəkət edən sürücüyə həm lazımi məsləhətlərini verir, həm də mümkün köməkliyini göstərir. Bəlkə də belə bir addımın atılmasını kimsə özü üçün adi hal kimi dəyərləndirə bilər, amma bu cür yanaşmanın varlığı bir çox mətləblərə toxunmağa tam əsas verir. Çünki, polis baş leytenantı Samir Həsənovun yolu səhv hərəkət edən Amid Əliyev adlı sürücüyə qarşı göstərdiyi diqqət, ortaya qoyduğu yanaşma, məhz bu gün yol polisi sahəsində yaşanan ab-havanın varlığını müəyyən etməyə imkan verir. Bu da onu göstərir ki, DİN-nin bütün qurulmlarında, eyni zamanda BDYPİ-nə tabeli sturukturlarda çalışan əməkdaşlar üçün insan amili, insan faktoru hər zaman öndə tutulur. Yəni, rəhbər vəzifə sahiblərinin verdikləri tapşırıq və tövsiyyələr, bu gün yol polisi əməkdaşları tərəfindən belə bir formada yerinə yetirilir ki, bu da insanların yol polisi əməkdaşlarına olan inam və etibarını daha da artırır. Əslində belə bir mövzunun ictimailəşdirilməsinə qərar verməyimiz, birbaşa daxilimizdən gələn istək hissimizin varlığı ilə bağlıdır. Çünki, polis baş leytenantı Samir Həsənov atdığı addımı ilə yeni bir uğura, yeni bir yanaşmaya imza atmış olur ki, bu da hər kəs tərəfindən, ələlxüsus həmin sürücü tərəfindən yetərincə alqışlanır. Bir sözlə, yol polisi əməkdaşının belə bir yanaşma ortaya qoyması, bu gün həm ictimai fikirdə, həm də geniş auditiriyalarda müsbət ictimai rəyin formalaşmasına tam əsas verir.

Memur.az