Kuala-Lumpur ASEAN Milli Şəhərsalma Şurasını və Bakını regionda dayanıqlılıq məsələlərinə həsr olunmuş ilk birgə sessiya keçirməyə çağırıb.

"Report" xəbər verir ki, bunu Kuala-Lumpur meri Maymuna Mohd Şarif (Maimunah Mohd Sharif) Bakıda keçirilən III Azərbaycan Milli Şəhərsalma Forumunda (NUFA3) bildirib.

"Söhbət bu regiondan gedəndə, Bakı bir örnəkdir. İrəliyə - 2026-cı ildə keçiriləcək 13-cü Ümumdünya Şəhərsalma Forumuna nəzər salaraq, gəlin Azərbaycan Milli Şəhərsalma Forumunu lokal innovasiyaları qlobal öhdəliklərlə birləşdirən və siyasəti cəmiyyətlərimiz üçün real nailiyyətlərə çevirən körpü kimi istifadə edək", - mer vurğulayıb.