Netanyahunun yerini bilirik - İranlı general
"Benyamin Netanyahunun görüş keçirtdiyi yeri bilirik".
"Yeni Sabah" IRIB-ə istinadən xəbər verir ki, bunu mərhum İran liderinin hərbi müşaviri general Yəhya Rəhim Səfəvi bildirib.
Onun sözlərinə görə, İrandakı raket obyektləri ABŞ-İsrail hücumlarından əvvəl boşaldılıb və hücuma məruz qalan boş sahələrdir. Eyni hal İnqilab Keşikçiləri Korpusu və "Bəsic" mərkəzlərinə də aiddir.
"İslam Respublikasının kəşfiyyat strukturu düşmənin, yəni ABŞ və İsrailin İran ətrafındakı bütün hədəfləri üzərində tam nəzarətə malikdir. Hətta Netanyahunun görüşlərinin yerini bilirik və məlumat bazamız tamamlanıb", - deyə general Səfəvi əlavə edib.
