ABŞ Prezidenti Donald Tramp Milli Təhlükəsizlik Agentliyinin (MTA) direktoru Timoti Honu vəzifəsindən azad edib.

“Report” xəbər verir ki, bu barədə “The Washington Post” məlumat yayıb.

“ABŞ-nin iki fəaliyyətdə olan və bir keçmiş məmurunun sözlərinə görə, cümə axşamı güclü telefon dinləmə və kibercasusluq xidməti olan Milli Təhlükəsizlik Agentliyinin direktoru vəzifəsindən azad edilib. Rəsmilərin sözlərinə görə, həmçinin ABŞ Kiberkomandalığına başçılıq edən general Timoti Ho MTA-dakı mülki müavini Vendi Nobl ilə birlikdə işdən azad edilib”, – qəzet qeyd edib.

Nəşr bildirib ki, Nobl müdafiə nazirinin kəşfiyyat üzrə müavini ofisinə köçürülüb. MTA-nın müvəqqəti direktoru vəzifəsinə general-leytenant Uilyam Hartmann təyin edilib, o, işdən çıxarılmış Honun Kiberkomandalıqda müavini olub.