“Dəniz təhlükəsizlik kəməri - 2025” hərbi dəniz təlimləri zamanı Rusiya, İran və Çin gəmilərinin heyətləri Oman körfəzində şərti terrorçular tərəfindən ələ keçirilən gəminin axtarışı və azad olunması üzrə bacarıqlarını nümayiş etdiriblər.

“Report” xəbər verir ki, bu barədə Rusiya Müdafiə Nazirliyi məlumat yayıb.

Nazirlikdən bildirilib ki, "Dəniz təhlükəsizlik kəməri - 2025" beynəlxalq hərbi dəniz təlimi Rusiyanın, İranın Hərbi Dəniz Qüvvələri və Çin Xalq Azadlıq Ordusunun Hərbi Dəniz Qüvvələrinin (Çin Xalq Azadlıq Ordusu - red.) gəmilərinin iştirakı ilə Oman körfəzində baş tutub.

Təlimdə Rusiya tərəfini "Kəskin", "Rusiya Federasiyasının Qəhrəmanı Aldar Tsıdenjapov" korvetləri, həmçinin "Sakit okean donanmasının Peçenqa" orta dəniz tankeri təmsil edir.

Təlimlərin əsas epizodları zamanı müştərək qüvvələr şərti terrorçular tərəfindən ələ keçirilən gəminin axtarışını həyata keçirib, həmçinin onun azad edilməsi üçün xüsusi təyinatlıların birgə əməliyyatı keçirib. Gəmilərin ekipajları iki gün ərzində gecə-gündüz iriçaplı pulemyotlardan və atıcı silahlardan düşmənin imitasiya edilən pilotsuz katerlərini və pilotsuz uçuş aparatlarını imitasiya edən hədəflərə atəş açıblar.

Nazirlikdən bildirilib ki, təlimlərin müxtəlif mərhələlərinə göyərtəli helikopterlər cəlb olunub. Maşınlardan kəşfiyyat axtarışları, müştərək dəstənin gəmilərini hədəfə almaq və hücum qruplarının əsir götürülmüş gəmilərə çatdırılması zamanı istifadə edilib. Bütün epizodlarda Sakit Okean Donanmasının dəniz aviasiyasına aid Ka-27M helikopteri iştirak edib.