Çin ABŞ-nin öz mallarına rüsumları artırmasına cavab olaraq hüquq və maraqlarını qorumaq üçün əks tədbirlər görəcək.

"Report"un xəbərinə görə, bu barədə Çin Xalq Respublikasının Ticarət Nazirliyinin məlumatında deyilir.

"Çin kəskin narazılığını və qəti etirazını bildirir, hüquq və maraqlarını qətiyyətlə qorumaq üçün cavab tədbirləri görəcək", - nazirlik vurğulayıb.

Bundan əvvəl ABŞ Prezidenti Donald Tramp Pekinin sintetik opioid fentanilin ABŞ-yə qaçaqmalçılıq yolu ilə gətirilməsi ilə mübarizə üçün kifayət qədər tədbirlər görmədiyinə görə Çin idxalına rüsumların 10 %-dən 20 %-ə yüksəldilməsi haqqında sərəncam imzalayıb. Eyni zamanda, Ağ Evin sahibi Çinin qadağanedici gömrük rüsumlarının tətbiqinə radikal reaksiya verməyəcəyi barədə fikir bildirib.