İsrail və Fələstinin radikal HƏMAS qruplaşması arasında dörd günlük humanitar atəşkəs səhər saat 7-də (Bakı vaxtı ilə 09:00) qüvvəyə minib.

Ehtimal olunur ki, HƏMAS silahlıları tərəfindən girov götürülmüş israillilərin birinci qrupunun azad edilməsi müqabilində yaxın vaxtlarda bir neçə fələstinli də İsrail həbsxanalarından azad olunacaq.

Bundan əvvəl bildirilmişdi ki, İsrail Fələstinin HƏMAS hərəkatı ilə razılaşma çərçivəsində 39 fələstinli məhbusu bu gün - noyabrın 24-də azad edəcək.
Qeyd edək ki, İsrail dörd günlük humanitar atəşkəsin sona çatmasının ardınca Qəzzada quru əməliyyatının davam edəcəyini bildirib. Ölkə anklavda hərbi problemləri həll etməyə davam edəcək və Fələstin hərəkatının potensialı məhv edilənə qədər dayanmayacaq.

Mənbə: TASS