Böyük yeddilik (G7) ölkələrinin liderləri bu gün Vilnüsdəki görüşdən sonra Ukraynaya gələcək dəstək, o cümlədən Kiyev üçün uzunmüddətli təhlükəsizlik təminatları haqqında bəyanat qəbul ediblər.

Bu barədə G7-yə sədrlik edən Yaponiyanın baş naziri Fumio Kişida bildirib.

“Biz Ukraynaya birgə dəstək bəyannaməsini elan edirik”, - o, jurnalistlərə deyib.

Ukrayna üçün təhlükəsizlik zəmanətləri haqqında bəyannamə aşağıdakıları nəzərdə tutur:

- Rusiyanın aktivləri Ukraynaya təzminat ödəyənə qədər dondurulacaq;

- Təzminatın ödənilməsi mexanizmi hazırlanacaq;

- G7 Rusiyaya sanksiya təzyiqlərini davam etdirəcək;
- G7 uzun mənzilli artilleriya və döyüş təyyarələrinə üstünlük verərək, Ukraynaya silah tədarükünü artıracaq;

- Yeddilik Ukraynanın hərbi sənaye bazasının gələcək inkişafına dəstək verəcək, Ukrayna hərbi personalına təlim keçəcək;

- G7 Kiyevə daha əhatəli təminatlarla bağlı danışıqlara başlayacaq;

- G7 Ukrayna ilə təhlükəsizlik sazişlərinin genişləndirilmiş paketi üzərində işləyəcək;

Qeyd edək ki, Ukrayna təhlükəsizlik təminatları çərçivəsində dövlət idarəçiliyində islahatlar aparmağı öhdəsinə götürüb.

Mənbə: life.ru