ABŞ administrasiyasının nümayəndələri Kiyev rəsmiləri ilə Ukrayna Prezidenti Volodimir Zelenskinin bu həftə ABŞ-yə səfər imkanlarını müzakrə edirlər.

"Report"un məlumatına görə, bu barədə "CBS News" mənbələrə istinadən xəbər yayıb.

Mənbələrin məlumatına görə, Zelenskinin ABŞ-yə yeni səfəri Prezident Donald Trampın bu il 27 noyabrda qeyd olunacaq Şükranlıq günündən əvvəl Rusiya-Ukrayna müharibəsinin həlli üçün razılığa gəlmək səylərinin bir hissəsi kimi baş tuta bilər.

Eyni zamanda, telekanalın mənbələri yeni səfərin mümkünlüyünün Cenevrədə keçirilən ABŞ-Ukrayna danışıqlarının nəticəsindən asılı olacağını vurğulayıblar.