2026-cı ildə Bakıda keçiriləcək SportAccord Dünya İdman və Biznes Sammitində 2800-3000 şəxsin iştirakı gözlənilir.

"Report"un məlumatına görə, bu barədə SportAccordun prezidenti Uğur Erdener jurnalistlərə açıqlama verib.

O, Azərbaycandakı növbəti beynəlxalq tədbirin də yaxşı keçəcəyinə inandığını söyləyib:

"Dünyanın önəmli idman adamları buraya gələcəklər. Dünyadakı federasiyaların rəsmi şəxsləri də gələcəklər. Hamısı Azərbaycan mediası və xalqı ilə tanış olacaqlar. Bakı çox gözəl şəhərdir. Burada bir sıra beynəlxalq idman turnirləri baş tutub".