Türkiyə-Emənistan sərhədindəki nəzarət-buraxılış məntəqəsinə Osmanlı dövlətinin Baş naziri olmuş Mehmet Tələt paşanın adının verilməsi ilə bağlı qanun layihəsinə Ermənistan Xarici İşlər Nazirliyi münasibət bildirib.

“Report”un Ermənistan KİV-nə istinadən verdiyi məlumata görə, məsələ ilə bağlı nazirliyə ünvanlanan sorğuya belə cavab verilib:

“Ermənistan-Türkiyə münasibətlərinin normallaşması prosesində Ermənistan Türkiyə hökumətinin rəsmi mövqelərini, qərarlarını nəzərə alır”.

Bir müddət əvvəl Türkiyənin İyi Partiyasının sədri, deputat Musavat Dərvişoğlu ölkə parlamentinə bu barədə layihə təqdim edib.

Mehmet Tələt Paşa 1921-ci ildə Almaniyanın Berlin şəhərində erməni terrorçu Soqomon Teyliryan tərəfindən güllənərək öldürülüb.