Xamenei: İran İsrail və ABŞ üzərində qələbə qazandı - YENİLƏNİB
İranın ali lideri ayətullah Əli Xamenei İsraillə münaqişədə qələbə münasibətilə İran xalqını təbrik edib.
“Report” xəbər verir ki, bu barədə ali liderin mətbuat xidməti paylaşım edib.
O qeyd edib ki, İran ABŞ-ni də məğlub edib.
"ABŞ İranla müharibədə heç bir nəticə əldə etmədi. ABŞ İranla müharibəyə girdi, çünki Tehranla münaqişənin davam edəcəyi təqdirdə İsrailin tamamilə məhvə məhkum olduğunu anladı", - Xamenei qeyd edib.
Qeyd edək ki, iyunun 24-də İranın Ali Milli Təhlükəsizlik Şurası ölkənin İsraillə müharibədə qalib gəldiyini elan edib.
14.05
İranın ali lideri Əli Xamenei İsraillə münaqişənin və ABŞ-nin İranın nüvə obyektlərini bombalamasının başa çatmasından sonra ilk bəyanatını verməyi planlaşdırır.
“Report”un məlumatına görə, bu barədə Xameneinin “X” sosial şəbəkəsindəki səhifəsində deyilir.
"İmam Xameneinin televiziya ilə müraciəti yaxın dəqiqələr ərzində yayımlanacaq", - paylaşımda qeyd olunub.
