“Rusiya ilə sülh danışıqlarının aparılması məsələsində heç kim Ukraynaya təzyiq göstərə bilməz”.

“Report”un məlumatına görə, bu sözləri Ukraynanın xarici işlər naziri Dmitri Kuleba “TCH” telekanalına müsahibəsində bildirib.

Nazir bildirib ki, sülh prosesi ilə bağlı qərarı Kiyev verəcək: “Qərb tərəfdaşları Ukraynaya silah və maliyyə yardımı etməsinə baxmayaraq, ölkəyə təzyiq göstərməyə çalışmırlar. Onlar həmişə açıq şəkildə deyirlər ki, kiminlə, nə vaxt və hansı formatda danışıqlar aparacağına Ukrayna özü qərar verəcək”.