Beynəlxalq Avrasiya Mətbuat Fondunun prezidenti Umud Mirzəyev İqtisadiyyat Nazirliyinin Dayanıqlı inkişaf və sosial siyasət şöbəsinin müdiri, Dayanıqlı İnkişaf üzrə Milli Əlaqələndirmə Şurasının katibi Hüseyn Hüseynovla mina probleminin 18-ci Dayanıqlı İnkişaf Məqsədi kimi qəbul olunması təşəbbüsünü müzakirə edib.

“Report” xəbər verir ki, bu barədə Fond prezidenti sosial şəbəkədə yazıb.

“Bu gün (iyulun 31-də – red.) AR-in DİM üzrə Milli ƏŞ katibi Hüseyn Hüseynov ilə çox maraqlı bir görüşümüz oldu. Görüşdə DİM-lərin icrasına dair görülən işlərdən, mina probleminin 18-ci DİM kimi qəbul olunması təşəbbüsündən, BAMF-in fəaliyyətlərindən və əməkdaşlıq imkanlarından danışdıq”, – o qeyd edib.