Böyük Britaniya rəsmiləri 2035-ci ilə qədər ölkə ərazisində benzin, dizel və hibridlə çalışan avtomobillərin satışını tam qadağan etməyi düşünür.

TASS agentliyi xəbər verir ki, bu barədə Baş nazir Boris Consonun dəftərxanasından verilən məlumatda bildirilir.

Daha əvvəl Böyük Britaniya hökuməti sözügedən qadağanı 2040-cı ilə qədər həyata keçirməyi nəzərdə tuturdu. Hibridlə çalışan avtomobillərin isə bu siyahıya daxil edilməsi, ümumiyyətlə, gözlənilmirdi.

Rəsmi London elan edib ki, dövlət dünyanın ekoloji mühitini yaxşılaşdırmaq məqsədi ilə ən sərt qanunları həyata keçirməyi qarşısına məqsəd qoyub.