ARANTV.AZ bildirir ki, Koronavirus (COVID-19) pandemiyası ilə əlaqədar xüsusi karantin rejiminin tətbiq olunduğu dövrdə aztəminatlı ailələrə, imkansız şəxslərə dəstək məqsədilə Azərbaycan avtomobil yolları Dövlət agentliyinin Bərdə rayonunda yerləşən 43 saylı Yol istismar MMC- nin direktoru və Yeni Azərbaycan partiyasının Bərdə rayon təşkilatının aparat rəhbəri İlham Əzimov
təşəbbüsü ilə ərzaq yardımı kampaniyası keçirilib. Aksiya çərçivəsində İ. Əzimov tərəfindən Bərdə şəhəri ərazisində və kəndlərdə yaşayan aztəminatlı və şəhid ailəsinə, həmçinin Qarabağ müharibəsi əlilləri və imkansız şəxslərə ərzaq bağlamaları paylanılıb. Kampaniya çərçivəsində 60-a yaxın ailəyə ərzaq yardımı göstərilib.

Ərzaq yardımı alan vətəndaşlar xüsusi karantin rejimi günlərində onlara göstərilən köməyə görə dövlətimizin başçısına, həmçinin aksiyanın təşkilatçısına minnətdarlıqlarını bildiriblər.

Qeyd edək rayon icra hakimiyyəti tərəfindən həyata keçirilən yardım aksiyasına rayonun idarə müəssisə rəhbərləri könüllü olaraq qoşulub.