Tarix : 29-04-2019, 10:44 | Bölmə: siyaset

Deputatlar mayda hansı məsələləri müzakirə edəcəklər?Milli Məclisin (MM) may ayında keçiriləcək ilk plenar iclasının vaxtı məlum olub.

Oxu.Az-ın MM-dən əldə etdiyi məlumata görə, növbəti plenar iclas mayın 3-də keçiriləcək.

İclasın gündəliyi hələlik tam müəyyənləşdirilməsə də, iclasda “Aqrar sığorta” haqqında yeni qanun layihəsi (birinci oxunuş), həmçinin, “Fitosanitar nəzarəti haqqında”, “Dövlət rüsumu haqqında” qanunlara və digər qanunlara dəyişiklikləri nəzərdə tutan qanun layihələri müzakirə ediləcək.Qeyd edək ki, may ayı ərzində ən azı 3 plenar iclasın keçirilməsi gözlənilir.

Onu da qeyd edək ki, mayın 31-də yaz sessiyasının sonuncu plenar iclası keçiriləcək.

Bununla belə, ənənəvi olaraq, iyun ayında parlamentin növbədənkənar sessiyası çərçivəsində MM-in daha bir neçə iclası baş tutacaq.

İyunun sonları, iyulun əvvəllərində isə millət vəkilləri yay tətilinə çıxacaqlar.

Millət vəkilləri bir də sentyabrınn 15-də növbəti payız sessiyasının başlaması ilə əlaqədar, tətili başa vuraraq, komitə iclaslarına qatılacaqlar.

Növbəti payız sessiyası isə oktyabrın 1-də başlayacaq.

Oxşar xəbərlər