Azərbaycanın Dövlət Neft Şirkəti gücləndirilmiş iş rejiminə keçib.

Şirkətdən Oxu.Az-a verilən məlumata görə, ölkə ərazisində elektrik enerjisinin verilişində yaranmış problemlərdən sonra dərhal SOCAR-ın bütün müəssisələri fövqəladə hallar üçün nəzərdə tutulmuş daxili planlara əsasən gücləndirilmiş iş rejiminə keçib.

Qeyd olunub ki, şirkətin bütün məsul əməkdaşları təcili qaydada işə çağırılıb və hazırda SOCAR-ın bütün müəssisələri maksimal ehtiyat tədbirləri görməklə, gücləndirilmiş iş rejimində fəaliyyətini davam etdirirlər.

Qeyd edək ki, Oxu.Az elektrik enerjisinin verilişi ilə bağlı yaranmış kütləvi problemlərdən sonra ölkədəki cari vəziyyətlə bağlı şərhlər üçün digər məsul dövlət qurumlarına zəngləri davam etdirir.

Memur.az