Hindistanda tovuzquşu ilə selfi çəkdirmək istəyənlər onu ölümünə səbəb olublar.

Oxu.Az-ın xəbərinə görə, bu barədə Metro nəşri yazır.

Hadisə Qərbi Benqaliya ştatının Calpayquri şəhərində baş verib. Tovuzquşu təsadüfən insanların çox olduğu yerə düşüb və ajiotaja səbəb olub.

Onunla selfi çəkdirmək istəyənlər quşun ayağından dartırdılar, qanadlarını açmağa çalışırdılar. Tovuzquşu stressə davam gətirməyək ölüb.

Qeyd edək ki, 1963-cü ildən etibarən tovuzquşu Hindistanın milli quşu sayılır.

Memur.az