Tarix : 30-06-2020, 16:42 | Bölmə: musahibe

Mikayıl Cabbarov: “Yeni şərtlər əsasında yaşamağa və işləməyə vərdiş etməliyik”“Pandemiyanın nə zaman bitəcəyi məlum deyil, ona görə də sahibkarlar yeni şərtlər, sanitar-karantin və sosial-davranış qaydaları əsasında işləməyi öyrənməlidirlər”. 

Oxu.Az-ın məlumatına görə, bunu bu gün keçirilən mətbuat konfransında İqtisadiyyat naziri Mikayıl Cabbarov deyib.

M.Cabbarov pandemiyanın təsirlərinin uzun müddət çəkə biləcəyini istisna etməyib.

Nazir bildirib ki, istər cəmiyyət, istər sahibkarlar yaranmış yeni tələblərə uyğunlaşmalıdırlar:

“Ticarət və xidmət obyektləri yeni qaydalara nə qədər tez vərdiş etsələr, bu, onların biznesləri üçün daha vacibdir”. 

M.Cabbarov qeyd edib ki, sahibkarların qaydalara riayət etməsi iqtisadi fəallığa təsir edir:

“Unutmamalıyıq ki, biz hamımız bir məkandayıq və gələcək həyat tərzimiz daha çox davranışlarımızdan asılı olacaq”.

Nazir əmin olduğunu bildirib ki, birgə səylərlə biznes tədricən iqtisadi itkiləri bərpa edəcək.

Oxşar xəbərlər