İspaniya çempionatının XXXVI turunda “Barselona” və “Real” komandaları bərabərliyə qalıblar.

Oxu.Az-ın xəbərinə görə, “EL Klassiko” bazar günü, mayın 6-da “Kamp Nou” stadionunda keçirilib və 2:2 hesabı ilə başa çatıb.

Hesabı 10-cu dəqiqədə kataloniyalıların hücumçusu Luis Suares açıb.

Dörd dəqiqə sonra Kriştianu Ronaldu oyunda tarazlığı bərpa edib.

52-ci dəqiqədə “Barselona”nın lideri Lionel Messi yenidən komandasını hesabda irəli çıxarıb.

Oyunda son hesabı isə 72-ci dəqiqədə kral klubunun hücumçusu Qaret Beyl müəyyənləşdirib.

Ernesto Valverdenin yetirmələri 45-ci dəqiqədən etibarən Serxi Robertonun qırımızı vərəq ilə cəzalandırılmasından sonra azlıqda qalıblar.

35 turdan sonra “Barselona” 87 xalla turnir cədvəlinə başçılıq edir. “Real” 72 xalla üçüncüdür.

Memur.az