“İnter Mayami” klubu ispaniyalı yarımmüdafiəçi Serxio Busketsi transfer etdiyini açıqlayıb.

Məlumata görə, klub Busketslə iki illik müqavilə bağlayıb. İspaniya millisi ilə dünya çempionu olmuş və “Barselona”nın heyətində doqquz dəfə La Liqa birincisi olmuş futbolçu yaxın günlərdə yeni komandasına qoşulacaq.

“Mən Serxio Busketsi “İnter Mayami” klubunda görməkdə şadam. Biz ilk gündən dünyanın ən yaxşı oyunçularını klubumuza cəlb etməyi qarşımıza hədəf qoymuşuq”, - “İnter Mayami” klubunun mətbuat katibi Xorxe Mas deyib.

Qeyd edək ki, 2005-ci ildən “Barselona”da çıxış edən 34 yaşlı Buskets Katalon klubu ilə bu mövsümün sonunda bitən müqaviləni yeniləməkdən imtina edib.
Xatırladaq ki, “İnter Mayami” klubu bundan əvvəl argentinalı hücumçu Lionel Messini transfer edib.

Mənbə: Championat.com