Fransa prezidenti Emmanuel Makron ölkədə fövqəladə iqtisadi və sosial vəziyyət elan edib.

Oxu.Az xəbər ki, Makron belə bir bəyanatla xalqa müraciəti zamanı çıxış edib.

O, etirazçıların hiddətini anladığını və millət qarşısında məsuliyyətini dərk etdiyini bildirib.

Makron ölkədəki durumu dəyişmək istədiyini qeyd edib:

“Mən sizlərə, vətəndaş cəmiyyətinə arxalanmağa çalışıram. Düşünürəm ki, biz həyatı yaxşılaşdırmaq üçün öyrənilməmiş yollarla getməliyik”.

Qeyd edək ki, Fransada noyabrın 17-dən yanacağın qiymətinin artması ilə əlaqədar genişmiqyaslı etiraz aksiyaları keçirilir. Yanacağın qiymətinin artmasına qarşı hərəkata “sarı jiletlər” adı verilib.