“Avropa ölkələri Ukraynanın təhlükəsizliyinin təmin edilməsi yükünü bölüşməyə hazırdır”.

“Report” xəbər verir ki, bunu Fransa prezidenti Emmanuel Makron “Fox News”a müsahibəsində bildirib.

Onun sözlərinə görə, 30-a yaxın ölkə Ukraynaya təhlükəsizlik zəmanətinin verilməsində iştirak etməyə hazırdır:

“Mən 30 Avropa lideri və müttəfiqi ilə danışmışam. Onların çoxu belə bir razılaşmanın, bu və ya digər növ təhlükəsizlik zəmanətlərinin bir hissəsi olmağa hazırdır. Lakin liderlər Rusiya tərəfindən müqavilələrin mümkün pozulması ehtimalı halında ABŞ-dən həmrəylik siqnalı almaq istəyirlər”.

ABŞ prezidenti Donald Tramp bundan əvvəl Avropa qoşunlarının Ukraynaya sülhməramlı kimi göndərilməsində problem görmədiyini bildirib.