Cənubi Koreya Prezidenti impiçment işi üzrə qərarın elan edilməsi zamanı məhkəmədə olmayacaq

3-04-2025, 10:55

Cənubi Koreya Prezidenti impiçment işi üzrə qərarın elan edilməsi zamanı məhkəmədə olmayacaqKoreya Respublikasının Prezidenti Yun Sok Yol onun impiçment işi üzrə Konstitusiya Məhkəməsinin qərarının açıqlanmasında iştirak etməməyə qərar verib.

“Report” TASS-a istinadən xəbər verir ki, bu barədə dövlət başçısının hüquqşünasları məlumat yayıb.

"Prezident sabah - qərarın elan ediləcəyi gün prosesdə iştirak etməməyə qərar verib. Prezidentin təhlükəsizliyi və mühafizəsi ilə bağlı məsələlər nəzərə alınıb", - bəyanatda bildirilib.

Konstitusiya Məhkəməsi aprelin 4-də Prezidentin işi üzrə qərarını açıqlayacaq. Parlament ötən ilin 14 dekabrında ona impichment elan edib. Konstitusiya Məhkəməsi Yun Sok Yolu ya hakimiyyətdən tamamilə kənarlaşdıra ya da vəzifəsinə bərpa edə bilər.

Mənbə: https://memurtv.az/sosial/14853-cenubi-koreya-prezidenti-impichment-ishi-uzre-qerarin-elan-edilmesi-zamani-mehkemede-olmayacaq.html