Azərbaycan vətəndaşları İsraildən təxliyə olunacaqlar? - XİN-dən AÇIQLAMA

16-10-2023, 10:53

Azərbaycan vətəndaşları İsraildən təxliyə olunacaqlar? - XİN-dən AÇIQLAMA“Hazırda Azərbaycan vətəndaşlarının İsraildən təxliyə olunması planlaşdırılmır”.

Bunu “Trend”ə Azərbaycanın Xarici İşlər Nazirliyinin Mətbuat Xidmətinin rəhbəri Ayxan Hacızadə deyib.

“Təxliyə ilə bağlı kütləvi müraciətlər yoxdur. İstəyənlər mütəmadi reyslərlə gəlirlər”, - deyə o vurğulayıb.
Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Son məlumatlara görə, 1 300 nəfər ölüb, 3 300 nəfər yaralanıb. İsrail ordusu “müharibə hazırlığı vəziyyəti” elan edib və cavab olaraq “Dəmir Qılınclar” əməliyyatına başladığını açıqlayıb.

Mənbə: https://memurtv.az/sosial/12117-azerbaycan-vetendashlari-srailden-texliye-olunacaqlar-xn-den-achqlama.html