Ekologiya və Təbii Sərvətlər Nazirliyi meşə yanğınlarının qarşısının alınması üzrə təlimlər keçib » Memur.az

Ekologiya və Təbii Sərvətlər Nazirliyi meşə yanğınlarının qarşısının alınması üzrə təlimlər keçib

Ekologiya və Təbii Sərvətlər Nazirliyi meşə yanğınlarının qarşısının alınması üzrə təlimlər keçib

Ekologiya və Təbii Sərvətlər Nazirliyinin Fövqəladə Hallar üzrə Tədbirlər Mərkəzi Lerik rayonunun Vizəzəmin meşəbəyliyində növbəti təlim keçirib.

APA-nın nazirliyin saytına istinadən verdiyi məlumata görə, təlimlər dağlıq ərazilərdə meşə yanğınlarının qarşısının alınması, onlarla mübarizə üsullarının təkmilləşdirilməsi və yeni metodların mənimsənilməsi məqsədilə təşkil olunub.
Təlim-məşqdə Astara, Lənkəran, Lerik, Yardımlı, Masallı, Cəlilabad Meşə Mühafizəsi və Bərpası Müəssisələri ilə yanaşı Hirkan Milli Parkının və Qızılağac Dövlət Təbiət Qoruğunun bu sahə üzrə məsul əməkdaşları da iştirak edib.
Təlimlər zamanı mərkəzin mütəxəssisləri tərəfindən yüksək dağlıq ərazilərdə baş verə biləcək meşə yanğınlarının söndürülməsində istifadə olunan zəruri texnika, avadanlıq və ləvazimatların istifadə qaydaları, o cümlədən meşə yanğınlarının söndürülməsi üsulu öyrədilib.

Məşqlərdə iştirak edən işçi heyətinə mərkəzə məxsus xüsusi təyinatlı yanğınsöndürən avtomaşın və motopompalar vasitəsilə suyun daha uzaq məsafələrə vurulması ilə bağlı bilgilər verilib. Eyni zamanda yanğının geniş ərazilərə yayılmasının qarşısının alınması, qüvvə və vasitələrin dərhal yanğın baş vermiş əraziyə cəlbi və sistemli şəkildə idarə edilməsi əyani olaraq nümayiş etdirilib.