Azərbaycan MDB-nin ən çox mütaliə edən ölkələrinin TOP3 siyahısına düşüb
12-03-2025, 16:22
Azərbaycan MDB-nin ən çox mütaliə edən ölkələrinin üçlüyünə daxildir.
“Report” xəbər verir ki, bu barədə TASS-ın baş direktoru Andrey Kondraşov XXXII Beynəlxalq kitab sərgi-yarmarkasında bildirib.
"Mədəniyyət sivilizasiyanın özəyidir. Son sorğuların nəticələrinə görə, Belarus MDB-də ən çox kitab oxunulan ölkədir. Hər min nəfərdən 369-u kitabxanalara gedir və il ərzində 69 milyon kitab götürürlər. İkinci yerdə Rusiya yerləşir", - o bildirib.
A.Kondraşovun sözlərinə görə, üçüncü yerdə Azərbaycan, dördüncü yerdə isə Qazaxıstan qərarlaşıb.
Mənbə: https://memurtv.az/siyaset/14682-azerbaycan-mdb-nin-en-chox-mutalie-eden-olkelerinin-top3-siyahisina-dushub.html