İqtisadiyyat - Memur.az

Neftimiz 113 dollara ticarət edilir

Wed, 04 Nov 2026 10:59:52 +0400

Dünya bazarlarında “Azeri Light” (CIF) markalı Azərbaycan nefti ucuzlaşıb.

“Qafqazinfo” xəbər verir ki, Azərbaycan neftinin 1 barelə olan qiyməti 3,05 dollar və ya 2,62% azalaraq 113,45 ABŞ dolları olub.

Qeyd edək ki, ötən gün neftimizi 116,5 ABŞ dollarına ticarət edilib.

Xatırladaq ki, “Azeri Light”ın ən aşağı qiyməti 2020-ci il aprelin 21-də 15,81 ABŞ dolları, maksimal qiyməti isə 2008-ci ilin iyulunda 149,66 ABŞ dolları təşkil edib.

Builki dövlət büdcəsində “Azeri Light”ın 1 barelinin orta qiyməti 65 ABŞ dollarından hesablanıb.

“Mobile Payment Solutions” MMC qayda pozdu - AMB tədbir gördü

Tue, 03 Nov 2026 10:30:21 +0400

Azərbaycan Mərkəzi Bankı (AMB) elektron pul təşkilatı - “Mobile Payment Solutions” MMC-yə icrası məcburi göstərişlər verib.

“Qafqazinfo” bu barədə AMB məlumat yayıb.

Məlumata görə, şirkətdə həyata keçirilən yerində yoxlama çərçivəsində bir sıra qanunvericilik və normativ aktların tələblərinin pozulması aşkar edilib.

Bu səbəbdən “Mərkəzi Bank haqqında” qanunun 48.2.4-cü və “Ödəniş xidmətləri və ödəniş sistemləri haqqında” qanunun 63.1-ci maddələrinə əsasən çatışmazlıqların aradan qaldırılması ilə bağlı təşkilata icrası məcburi göstərişlər verilib.

“Bank Respublika” və “AccessBank” arasında strateji əqd uğurla tamamlanıb

Tue, 03 Nov 2026 10:06:42 +0400

“Bank Respublika” və “AccessBank” strateji əqdin uğurla başa çatdığını elan ediblər. Əqd nəticəsində “Bank Respublika” “AccessBank”ın səhmlərinin 100%-ni əldə edib, “AccessBank”ın əvvəlki səhmdarları isə “Bank Respublika”nın yeni emissiya edilmiş imtiyazlı səhmlərini əldə edərək bankın səhmdarları sırasına daxil olublar.

Əqdin başa çatması iki bankın maliyyə potensialını, peşəkar təcrübəsini və bir-birini tamamlayan biznes modellərini bir araya gətirərək onların inkişafında mühüm mərhələ olub. Növbəti mərhələdə hüquqi və əməliyyat baxımından birləşmə nəticəsində Bank Respublika brendi altında Azərbaycanın ən böyük banklarından biri formalaşacaq.

Birləşmə başa çatanadək hər iki bank mövcud brendləri altında fəaliyyətini davam etdirərək müştərilərə fasiləsiz xidmət göstərilməsini, müştərilər və tərəfdaşlar qarşısında bütün öhdəliklərin yerinə yetirilməsini təmin edəcək.

Birləşməyə hazırlıq çərçivəsində “AccessBank”ın İdarə Heyətinə Tariyel İsmayılov rəhbərlik edəcək və o, daha sonra birləşmiş bankın İdarə Heyətinin sədri olacaq. “Bank Respublika”nın İdarə Heyətinin sədri vəzifəsinin müvəqqəti icrası İdarə Heyəti sədrinin müavini Aslan Abbasova həvalə olunub.

Birləşmə bankın maliyyə mövqelərini möhkəmləndirməyə, biznesin maliyyələşdirilməsi imkanlarını genişləndirməyə, əməliyyat səmərəliliyini artırmağa, rəqəmsal xidmət kanallarının inkişafını sürətləndirməyə və bank xidmətlərinin keyfiyyətini yüksəltməyə imkan verəcək.

Əqdin başa çatmasını şərh edən “Bank Respublika”nın Müşahidə Şurasının sədri Şakir Rəhimov bildirib:

“Bu irimiqyaslı əqdin uğurla başa çatması Azərbaycanda əlverişli investisiya mühitinin, bank sektorunun dayanıqlılığının və beynəlxalq investorların onun perspektivlərinə etimadının göstəricisidir. Biz əminik ki, iki bankın potensialının birləşdirilməsi ölkənin maliyyə bazarının gələcək inkişafında mühüm addım olacaq.

Azərbaycan Mərkəzi Bankına, hər iki bankın səhmdarlarına, müştərilərimizə, tərəfdaş banklara, beynəlxalq maliyyə institutlarına və əqdin bütün iştirakçılarına proses boyunca göstərdikləri etimada, konstruktiv əməkdaşlığa və dəstəyə görə səmimi təşəkkürümüzü bildiririk”.

Daha ətraflı məlumat üçün:

Veb sayt: www.bankrespublika.az

Sosial şəbəkələr: “Facebook”, “Instagram”, “LinkedIn”, “Telegram”

Çağrı Mərkəzi: 144

“Azeri Light”ın qiyməti 126 dollara qalxdı

Sat, 31 Oct 2026 10:34:57 +0400

Dünya bazarlarında “Azeri Light” (CIF) markalı Azərbaycan nefti bahalaşıb.

“Qafqazinfo” xəbər verir ki, Azərbaycan neftinin 1 barelə olan qiyməti 3.88 dollar və ya 3,17% artaraq 126.16 ABŞ dolları olub.

Qeyd edək ki, ötən gün neftimiz 122.28 ABŞ dollarına ticarət edilib.

Xatırladaq ki, Azərbaycanın builki dövlət büdcəsində “Azeri Light” markalı Azərbaycan neftinin 1 barelinin orta qiyməti 65 ABŞ dollarından hesablanıb.

“AzInTelecom” tərəfindən 85 mindən çox saxta IMEI kod bloklanıb

Mon, 26 Oct 2026 10:19:46 +0400

“AZCON Holding” şirkətlərindən olan “AzInTelecom” MMC Azərbaycana gətirilən mobil cihazların saxta IMEI kodlarla qeydiyyatdan keçirilməsinə qarşı mübarizə tədbirlərini davam etdirir.

“Qafqazinfo” xəbər verir ki, görülən tədbirlər çərçivəsində bu günədək 86 813 IMEI kodunun kopyalandığı aşkar edilib və həmin IMEI kodların hər biri “AzInTelecom”a məxsus Mobil Cihazların Qeydiyyatı Sistemi (MCQS) tərəfindən bloklanıb.

Eyni zamanda bloklanmış IMEI kodlarla Azərbaycan mobil rabitə məkanında şəbəkəyə qoşulma cəhdlərinin qarşısı alınıb.

Qeyd edək ki, Nazirlər Kabinetinin qərarı ilə təsdiq edilmiş “Mobil cihazların qeydiyyatının aparılması Qaydası”na əsasən, xaricdən Azərbaycana gətirilən mobil cihazların ölkə telekommunikasiya şəbəkəsində istifadə olunması üçün onların IMEI kodları 30 gün ərzində qeydiyyatdan keçirilməlidir.

“AzInTelecom” MMC vətəndaşlara mobil telefon almadan öncə cihazın qutusu üzərində qeyd edilən IMEI kodu “mygov” portalında yoxlamağı və yalnız etibarlı satış məntəqələrinə üstünlük verməyi tövsiyə edir.

Gələn ilin büdcə layihəsi MM-ə daxil oldu

Fri, 23 Oct 2026 10:15:28 +0400

Azərbaycanın 2027-ci il üzrə dövlət büdcəsi layihəsi Milli Məclisə daxil olub.

“Qafqazinfo” xəbər verir ki, layihə gələn həftə İqtisadi siyasət, sənaye və sahibkarlıq komitəsinə təqdim olunacaq.

2027-ci il büdcə layihəsinin yalniz profil komitədə deyil, digər komitələrlə birgə müzakirəsi planlaşdırılır.

Müzakirələrin noyabrda başlaması, dekabrda tamamlanması gözlənilir.

Beləliklə, gələn ilin dövlət büdcəsi layihəsinin bu il daha geniş formatda müzakirəsi baş tutacaq.

Qeyd edək ki, 2027-ci ildə dövlət büdcəsinin gəlirləri 39 milyard 234 milyon manat, xərcləri isə 42 milyard 400 milyon manat proqnoz edilir.

Nuranə Daxilqızı

“Zəruri olmayan xərclər üçün borc götürməyin” - AMB rəsmisi

Thu, 15 Oct 2026 16:03:43 +0400

“Azərbaycanda bank kreditlərinə qoyulan məhdudiyyətlərin qeyri-rəsmi borclanmanın artmasına səbəb olduğunu təsdiqləyən rəsmi statistik məlumat mövcud deyil”.

“Qafqazinfo” AZƏRTAC-a istinadən xəbər verir ki, bu barədə Azərbaycan Mərkəzi Bankının (AMB) baş direktoru Şahin Mahmudzadə 6 ayın yekunlarına dair hesabatın təqdimatı və mətbuat konfransında deyib.

Onun sözlərinə görə, Mərkəzi Bankın kreditləşmə sahəsində tətbiq etdiyi qaydalar əhalinin həddindən artıq borc yükü altına düşməsinin qarşısını almağa yönəlib: “İstehlak kreditləri üzrə borcalanların ödəmə imkanlarına dair tələblər, kredit kartlarından istifadəyə qoyulan məhdudiyyətlər və onlayn kreditlərin rəsmiləşdirilməsi zamanı nəzərdə tutulan gözləmə müddəti məhz bu məqsədə xidmət edir.

Bank kreditlərinin verilməsi şərtlərinin sərtləşdirilməsi bəzi şəxsləri alternativ maliyyə mənbələrinə üz tutmağa sövq edə bilər. Bununla belə, bu halın qeyri-rəsmi borclanmanın artmasına birbaşa səbəb olduğunu təsdiqləmək üçün əsas yoxdur. Banklardan kredit ala bilməyən vətəndaşlar maliyyə ehtiyaclarını qarşılamaq üçün əvvəlcə bank olmayan kredit təşkilatlarına, daha sonra isə lombardlara müraciət edə bilərlər”, - deyə baş direktor əlavə edib.

Ş. Mahmudzadə vətəndaşlara zəruri olmayan xərcləri qarşılamaq məqsədilə borc götürməkdən uzaq durmağı tövsiyə edib.

“Azeri Light” ucuzlaşdı

Sat, 10 Oct 2026 11:32:07 +0400

Dünya bazarlarında “Azeri Light” (CIF) markalı Azərbaycan nefti ucuzlaşıb.

“Qafqazinfo” xəbər verir ki, Azərbaycan neftinin 1 barelinin qiyməti 2,42 ABŞ dolları və ya 1,82% azalaraq 130,81 ABŞ dolları olub.

Qeyd edək ki, Azərbaycan neftinin əvvəlki qiyməti 133,23 ABŞ dolları təşkil edib.

Xatırladaq ki, “Azeri Light”ın ən aşağı qiyməti 2020-ci il aprelin 21-də 15,81 ABŞ dolları, maksimal qiyməti isə 2008-ci ilin iyulunda 149,66 ABŞ dolları təşkil edib.

Builki dövlət büdcəsində “Azeri Light”ın 1 barelinin orta qiyməti 65 ABŞ dollarından hesablanıb.

Azərbaycan nefti ucuzlaşdı

Wed, 07 Oct 2026 10:24:18 +0400

Dünya bazarlarında “Azeri Light” (CIF) markalı Azərbaycan nefti ucuzlaşıb.

“Qafqazinfo” xəbər verir ki, Azərbaycan neftinin 1 barelə olan qiyməti 3,93 dollar və ya 3,15% azalaraq 120,68 ABŞ dolları olub.

Qeyd edək ki, Azərbaycan neftinin əvvəlki qiyməti 124,61 ABŞ dolları təşkil edib.

Xatırladaq ki, “Azeri Light”ın ən aşağı qiyməti 2020-ci il aprelin 21-də 15,81 ABŞ dolları, maksimal qiyməti isə 2008-ci ilin iyulunda 149,66 ABŞ dolları təşkil edib.

Builki dövlət büdcəsində “Azeri Light”ın 1 barelinin orta qiyməti 65 ABŞ dollarından hesablanıb.

“Azeri Light” 124 dollara satılır

Sat, 03 Oct 2026 11:02:49 +0400

Dünya bazarlarında “Azeri Light” (CIF) markalı Azərbaycan nefti ucuzlaşıb.

“Qafqazinfo” xəbər verir ki, Azərbaycan neftinin 1 barelə olan qiyməti 0,75 dollar və ya 0,6% azalaraq 124,01 ABŞ dolları olub.

Qeyd edək ki, ötən gün neftimiz 124,76 ABŞ dollarına ticarət edilib.

Xatırladaq ki, Azərbaycanın builki dövlət büdcəsində “Azeri Light” markalı Azərbaycan neftinin 1 barelinin orta qiyməti 65 ABŞ dollarından hesablanıb.