Bakı. Yeganə Laçınzadə - APA-Economics. Azərbaycan Mərkəzi Bankının (AMB) sərəncamında olan rəsmi valyuta ehtiyatlarının həcmi azalmaqda davam edir.

"APA-Economics" AMB-nin açıqladığı statistikaya istinadən xəbər verir ki, 2016-cı il iyul ayının 29-a tənzimləyicinin sərəncamında olan rəsmi valyuta ehtiyatlarının həcmi 4 mlrd. 162,9 mln. ABŞ dolları təşkil edib. Bu, 2015-ci ilin müvafiq dövrünə nisbətən 4 mlrd. 338,6 mln. dollar və ya 51% azdır. İyun ayı ilə müqayisədə ötən ay valyuta ehtiyatları 121 mln. manat və ya 2,8% azalıb.