XİN başçısı: “Orta Dəhliz Xəzəryanı ölkələrin nəqliyyat potensialını gücləndirəcək”
iqtisadiyyat
5-12-2023, 15:27
93
![XİN başçısı: “Orta Dəhliz Xəzəryanı ölkələrin nəqliyyat potensialını gücləndirəcək” XİN başçısı: “Orta Dəhliz Xəzəryanı ölkələrin nəqliyyat potensialını gücləndirəcək”](/uploads/posts/2023-12/thumbs/1701775716_3.jpg)
“Report”un Rusiya bürosunun məlumatına görə, bunu Azərbaycanın xarici işlər naziri Ceyhun Bayramov Xəzəryanı ölkələrin Xarici İşlər Nazirləri Şurasının Moskvada keçirilən görüşündə deyib.
“Azərbaycan bu gün Xəzər dənizində ən böyük ticarət donanmasına malikdir və biz, həmçinin, yeni tankerlər və yük gəmiləri hazırlayırıq. Eyni zamanda, yük dövriyyəsinin həcminin 15 milyon tondan 25 milyon tona çatdırılması məqsədilə Ələt dəniz limanının müasirləşdirilməsi işləri aparılır. Bütün bunlar Şərq-Qərb və Şimal-Cənub istiqamətlərində yüklərin sabit və operativ çatdırılmasını təmin etmək üçün əlavə imkanlar yaradacaq, eyni zamanda Xəzər dənizinin nəqliyyat potensialının artırılmasına mühüm töhfə verəcək”, - o bildirib.