https://memurtv.az/ https://memurtv.az/siyaset/19885-qlb-qa-2000-dn-ox-insan-bir-araya-gtirdi-fotolar.html https://memurtv.az/siyaset/19885-qlb-qa-2000-dn-ox-insan-bir-araya-gtirdi-fotolar.html 19885 Mon, 02 Nov 2026 10:00:35 +0400 native-yes
Zəfərin 6-cı ildönümü münasibətilə Bakıda ənənəvi “Qələbə qaçışı” keçirilib.

“Qafqazinfo” xəbər verir ki, Gənclər və İdman Nazirliyi və Bakı Şəhər Halqası Əməliyyat Şirkətinin birgə təşkilatçılığı ilə keçirilən yarış “Qürurla irəli” şüarı altında baş tutub.

Yarışın açılış mərasimində əvvəlcə Dövlət Himni səsləndirilib, ardınca Vətən uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

İştirakçılar Dənizkənarı Milli Parkda, “Yeddi gözəl” fəvvarəsinin yaxınlığından start götürərək 10 kilometrlik məsafəni qət ediblər.

Vətən müharibəsi şəhidlərinin övladları builki “Qələbə qaçışı”nın fəxri iştirakçıları olublar. Onlar finiş xəttində idmançıları qarşılayaraq məsafəni başa vuran hər bir iştirakçıya medal təqdim ediblər.

Bu il “Qələbə qaçışı”na 2000-dən çox şəxs qatılıb. Bu, yarışın 2021-ci ildən bəri keçirilən bütün buraxılışları arasında ən yüksək iştirakçı göstəricisidir.

Kişilər arasında Bəxtiyar Əsgərli birinci, Loğman İsrafilli ikinci, Əli Rzazadə isə üçüncü yeri tutub. Qadınların mübarizəsində Anna Yusupova qalib gəlib. Qənirə Həsənova ikinci, Arzu Məmmədbəyova üçüncü yerdə qərarlaşıb.

Qaliblərə mükafatları gənclər və idman naziri Fərid Qayıbov və Azərbaycan Atletika Federasiyasının prezidenti Cavid Qurbanov təqdim ediblər.

İki gün ərzində Dənizkənarı Milli Parkda fəaliyyət göstərən əyləncə zonasında müxtəlif tədbirlər keçirilib. Qaçışdan sonra təşkil olunan konsert proqramında xalq artisti Röya, tanınmış müğənnilər Murad Arif və Mərdan çıxış ediblər.

Xeyriyyə məqsədi ilə təşkil olunan yarış çərçivəsində qeydiyyatdan əldə edilən bütün vəsait “YAŞAT” Fonduna ianə ediləcək.

Xatırladaq ki, “Qələbə qaçışı” 2021-ci ildən etibarən hər il keçirilir.




















]]> https://memurtv.az/siyaset/19882-arsenal-liverpulu-mlub-etdi-haverts-tarix-dd.html https://memurtv.az/siyaset/19882-arsenal-liverpulu-mlub-etdi-haverts-tarix-dd.html 19882 Mon, 02 Nov 2026 09:46:42 +0400 native-yes
İngiltərə Premyer Liqasının 9-cu turunda “Arsenal” səfərdə “Liverpul”u 1:0 hesabı ilə məğlub edib.

“Qafqazinfo” xəbər verir ki, “Enfild” stadionunda keçirilən görüşün yeganə qolunu ilk hissədə Kay Haverts vurub.

Bu qolla Premyer Liqada ümumi qol sayını 46-ya çatdıran Haverts çempionat tarixində ən çox fərqlənən almaniyalı futbolçu olub. O, “Mançester Siti”nin heyətində 45 qol vuran İlkay Gündoğanın rekordunu geridə qoyub.

Qeyd edək ki, bu qələbə “Arsenal”ın Premyer Liqada ardıcıl dördüncü uğuru olub. London təmsilçisi 9 turdan sonra 24 xalla turnir cədvəlinə başçılıq edir. “Liverpul” isə 15 xalla beşinci pillədə qərarlaşıb.]]> https://memurtv.az/siyaset/19877-amax-neftini-kpz-milini-qbul-edir.html https://memurtv.az/siyaset/19877-amax-neftini-kpz-milini-qbul-edir.html 19877 Sun, 01 Nov 2026 11:40:11 +0400 native-yes
Misli Premyer Liqasının X turunda bu gün daha 2 matç keçiriləcək.

“Qafqazinfo” xəbər verir ki, günün ilk oyununda “Neftçi” səfərdə “Şamaxı” ilə üz-üzə gələcək.

Qarşılaşma saat 15:00-da Şamaxı şəhər stadionunda baş tutacaq.

Günün ikinci görüşü isə Gəncə stadionunda təşkil olunacaq. Ev sahibi “Kəpəz” “İmişli”ni sınağa çəkəcək. Matç saat 17:30-da start götürəcək.

Misli Premyer Liqası

I dövrə, X tur

1 noyabr

15:00. “Şamaxı” – “Neftçi”

Hakimlər: Tural Qurbanov, Cəmil Quliyev, Asiman Əzizli, Emin Əliyev.

Şamaxı şəhər stadionu



17:30. “Kəpəz” – “İmişli”

Hakimlər: Elçin Məsiyev, Elşad Abdullayev, Pərvin Talıbov, İslam Məmmədov.

Gəncə şəhər stadionu.

]]> https://memurtv.az/siyaset/19850-turan-tovuz-sabaha-qar.html https://memurtv.az/siyaset/19850-turan-tovuz-sabaha-qar.html 19850 Fri, 30 Oct 2026 11:37:37 +0400 native-yes
Bu gün Misli Premyer Liqasında 10-cu tura start veriləcək.

“Qafqazinfo” xəbər verir ki, ilk oyun günündə bir görüş keçiriləcək.

Qarşılaşmada 4-cü pillədə qərarlaşan “Turan Tovuz” lider “Sabah”ı qəbul edəcək.

30 oktyabr

18:30. “Turan Tovuz” – “Sabah”

Hakimlər: Kamranbəy Rəhimov, Akif Əmirəli, Namiq Hüseynov, Əkbər Əhmədov, Fərid Hacıyev (VAR)

Tovuz şəhər stadionu]]> https://memurtv.az/siyaset/19835-etirazlara-gr-avropa-liqas-matnn-vaxt-dyidi.html https://memurtv.az/siyaset/19835-etirazlara-gr-avropa-liqas-matnn-vaxt-dyidi.html 19835 Thu, 29 Oct 2026 09:35:35 +0400 native-yes
Fransada gözlənilən kütləvi tətil və etiraz aksiyaları futbol matçlarına da təsir edib.

“Qafqazinfo” xəbər verir ki, UEFA Avropa Liqası çərçivəsində keçirilməli olan “Renn” – “Olimpiakos” qarşılaşmasının tarixi və başlama saatı dəyişdirilib.

Əvvəlcə 5 noyabr cümə axşamına planlaşdırılan matç Fransa həmkarlar ittifaqlarının həmin gün üçün elan etdiyi ümumi tətil səbəbindən 4 noyabr çərşənbə gününə keçirilib. Fransa hakimiyyəti tətil günü Renndə lazımi təhlükəsizliyi təmin edə bilməyəcəyini açıqlayıb. UEFA isə matçın başlama saatını 16:30-a təyin edib.

Oyunun iş gününə və erkən saata salınması bilet alan “Renn” azarkeşlərinin kütləvi narazılığına səbəb olub.

Qeyd edək ki, təhlükəsizlik qüvvələrinin etirazlara cəlb olunması səbəbindən Fransa Peşəkar Futbol Liqası (LFP) Liqa 1-in bəzi oyunlarını da təxirə salmalı olub.]]> https://memurtv.az/siyaset/19824-smail-kartal-qza-etdi.html https://memurtv.az/siyaset/19824-smail-kartal-qza-etdi.html 19824 Wed, 28 Oct 2026 09:33:34 +0400 native-yes
“Fənərbaxça”nın keçmiş baş məşqçisi İsmail Kartal qəza keçirib.

“Qafqazinfo” xəbər verir ki, bu haqda Türkiyə KİV məlumat yayıb.

Bildirilir ki, hadisə Samandıradan evinə qayıdarkən baş verib.

Məlumata görə, 65 yaşlı baş məşqçinin həyatı üçün heç bir təhlükə yoxdur.

Qeyd edək ki, ötən gün “Fənərbaxça” klubu İ. Kartalla yollarını ayırdığını açıqlayıb.]]> https://memurtv.az/siyaset/19823-qaraba-abbasn-gediini-tsdiqldi-rsmi.html https://memurtv.az/siyaset/19823-qaraba-abbasn-gediini-tsdiqldi-rsmi.html 19823 Wed, 28 Oct 2026 09:29:08 +0400 native-yes
“Qarabağ” futbolçusu Abbas Hüseynovla yollarını ayırıb.

“Qafqazinfo” xəbər verir ki, bu barədə klubun Mətbuat xidməti məlumat yayıb.

Bildirilib ki, 2017-ci ildə “Qarabağ”a keçən müdafiəçi ilə müqaviləyə qarşılıqlı razılıq əsasında xitam verilib.

O, komanda ilə birlikdə 7 dəfə Azərbaycan çempionu, 2 dəfə ölkə kubokunun qalibi olub.

Xatırladaq ki, bundan əvvəl Ağdam klubunun əvəzedici komandasının baş məşqçisi Maksim Medvedev AZƏRTAC-a açıqlamasında onun klubla əlaqəsini kəsdiyini bildirmişdi.

]]> https://memurtv.az/idman/19821-senan-suleymanov-qizil-medal-qazanmagin-dunya-chempionu-olmagin-arzusunda-olmusham.html https://memurtv.az/idman/19821-senan-suleymanov-qizil-medal-qazanmagin-dunya-chempionu-olmagin-arzusunda-olmusham.html 19821 Wed, 28 Oct 2026 06:44:28 +0400 native-yes "İdmançı kimi qızıl medal qazanmağın, dünya çempionu olmağın arzusunda olmuşam. İki dəfə finalda məğlub olmuşam. Amma bu dəfə həqiqətən çox yaxşı hazırlaşmışdım və istəyimə nail oldum".

"MemurTv.az" xəbər verir ki, bunu Qazaxıstanın paytaxtı Astanada keçirilən güləş üzrə dünya çempionatında qızıl medal qazanan Azərbaycanın yunan-Roma güləşçisi Sənan Süleymanov deyib.

O bildirib ki, dünya çempionatında zəif rəqib yoxdur: "İdmançıların hər biri ciddi rəqibdir. Dünya çempionatından əvvəl hansı ölkələrin və idmançıların yarışda iştirak edəcəyi bəlli olur. Təlim-məşq toplanışlarında bütün rəqiblərimizi təhlil edir və buna uyğun hazırlaşırıq. Mən də rəqiblərimi analiz etmiş, hər birinə qarşı hazırlıq görmüşdüm. Düzdür, daha çox medal qazanan idmançılar var idi. Onlara qarşı isə xüsusi hazırlaşmışdım".]]> https://memurtv.az/siyaset/19812-nc-df-qzl-topu-qazand-fotolar.html https://memurtv.az/siyaset/19812-nc-df-qzl-topu-qazand-fotolar.html 19812 Tue, 27 Oct 2026 10:00:58 +0400 native-yes
İspaniyalı futbolçu Aleksia Putellas karyerasında üçüncü dəfə qadınlar arasında “Ballon d’Or” mükafatına layiq görülüb.

“Qafqazinfo” xəbər verir ki, “London City Lionesses” və İspaniya millisinin üzvü olan yarımmüdafiəçi Londonda keçirilən mərasimdə “Barselona”dan keçmiş komanda yoldaşı Eva Payor və “Mançester Siti”nin hücumçusu Xadica Şounu geridə qoyub.

2021 və 2022-ci illərdə də bu mükafatı qazanan Putellas üç dəfə “Ballon d’Or”a sahib çıxan ikinci qadın futbolçu olub. Ondan əvvəl bu uğura 2023, 2024 və 2025-ci illərdə ardıcıl qalib gələn “Barselona”lı Aytana Bonmati imza atıb.

Putellas ötən mövsüm “Barselona”nın uğurlarında mühüm rol oynayıb. Kataloniya təmsilçisi qadınlar arasında UEFA Çempionlar Liqasını dördüncü dəfə qazanarkən, yarımmüdafiəçi turnirdə keçirdiyi 11 oyunda səkkiz qol vurub və yeddi məhsuldar ötürmə edib. Komanda, həmçinin İspaniya çempionluğu, ölkə kuboku və Superkuboku qazanaraq mövsümü dörd titulla başa vurub.

2022-ci ildə diz bağlarından aldığı ağır zədə səbəbindən uzun müddət yaşıl meydanlardan uzaq qalan Putellas sonradan əvvəlki formasını bərpa edərək yenidən dünyanın ən yaxşı futbolçuları sırasına qayıdıb.

İspaniyalı oyunçu 2025-2026-cı il mövsümünün sonunda “Barselona”da keçirdiyi 14 illik karyerasını başa vuraraq “London City Lionesses” klubuna keçib. Bununla da o, hazırda İngiltərə Qadınlar Super Liqasında çıxış edərkən “Ballon d’Or” qazanan ilk futbolçu olub.




]]> https://memurtv.az/siyaset/19788-girndn-bakya-qlb-yolu-azrbaycan-idmanlarnn-qat-zfri.html https://memurtv.az/siyaset/19788-girndn-bakya-qlb-yolu-azrbaycan-idmanlarnn-qat-zfri.html 19788 Sun, 25 Oct 2026 20:01:11 +0400 native-yes Şimali Kiprin Girne şəhərində keçirilən BUDO döyüş növləri üzrə Açıq Dünya Çempionatında Azərbaycan idmançılarının qazandığı uğurlar ölkəmizin idman həyatında diqqətəlayiq hadisələrdən biri kimi yadda qalıb. Oktyabrın 20–24-də təşkil olunan beynəlxalq yarışda məşqçi Fərrux Zülfüqarov və onun yetirmələri Nuray Həsənzadə ilə Muhammed Əliyev birincilik əldə edərək Azərbaycan bayrağını yüksəklərə qaldırıblar. Oktyabrın 25-də qaliblərin Vətənə qayıtması isə bu uğurun sevincini daha da artırıb.
Heydər Əliyev adına Beynəlxalq Hava Limanında idmançılarımızı nümayəndələr, ailə üzvləri, yaxınları və media təmsilçiləri qarşılayıblar. Qazandıqları kubokları əllərində tutan, üçrəngli bayrağımıza bürünən qaliblər sevinc hisslərini jurnalistlərlə bölüşüb, müsahibələr verib və xatirə şəkilləri çəkdiriblər. Qarşılanma mərasimində yaşanan səmimi anlar idmançılarımızın uğurunun yalnız şəxsi nailiyyət olmadığını, həm də ailələri və ölkəmiz üçün böyük qürur mənbəyinə çevrildiyini göstərib.
Bu qələbənin özünəməxsus cəhəti ondan ibarətdir ki, beynəlxalq yarışda birinci yerə layiq görülənlər arasında həm məşqçi, həm də onun iki yetirməsi var. Fərrux Zülfüqarovun Nuray Həsənzadə və Muhammed Əliyevlə eyni yarışdan qalib ayrılması Azərbaycan idmanında müəllim əməyinin, qarşılıqlı inamın və ardıcıl hazırlığın əhəmiyyətini nümayiş etdirir.
Məlumatlara əsasən, dünya çempionatının təşkilatçısı Dünya BUDO Döyüş Növləri Federasiyasının prezidenti, Şimali Kiprin Olimpiya Komitəsinin fəxri prezidenti Senior Grand Master professor Eyüp Zafer Gökbilen olub. Beynəlxalq yarış müxtəlif ölkələrdən idmançıların öz bacarıqlarını nümayiş etdirməsi və təcrübə qazanması baxımından əhəmiyyət daşıyıb.
Fərrux Zülfüqarov: idmançı təcrübəsindən məşqçi uğuruna
1995-ci ildə anadan olan Fərrux Əhliman oğlu Zülfüqarov bir neçə il karate və əlbəyaxa döyüş növləri ilə məşğul olub. İdman sahəsində qazandığı təcrübəni sonradan gənc nəslin hazırlanmasına yönəldən Fərrux müəllim məşqçilik fəaliyyətində yetirmələrinin fiziki və mənəvi inkişafına xüsusi diqqət yetirir.
Məşqçinin fəaliyyəti təkcə idman texnikasının öyrədilməsi ilə məhdudlaşmır. O, yetirmələrinə rəqabət şəraitində düzgün qərar verməyi, qaydalara əməl etməyi, rəqibə hörmət göstərməyi və uğur qazanmaq üçün davamlı çalışmağı aşılayır. Bu baxımdan Fərrux Zülfüqarovun həm özünün dünya çempionatında birincilik qazanması, həm də iki yetirməsinin qalib gəlməsi diqqətəlayiq nəticədir.
Müəllimin öz bilik və bacarıqlarını gənc nəslə ötürməsi, onların uğurlarını görməsi və eyni zamanda özü də idman meydanında yüksək nəticə göstərməsi böyük zəhmətin göstəricisidir. Girnədə əldə olunan nailiyyət Fərrux müəllimin idmançı və məşqçi kimi fəaliyyətində əlamətdar hadisədir.
Nuray Həsənzadə: gənc yaşda böyük uğur
Dünya çempionatında birincilik qazanan idmançılarımızdan biri 15 yaşlı Nuray Həsənzadədir. O, dörd ildir kikboksinqlə məşğul olur və Zülfüqar İdman Klubunda məşqlərini davam etdirir. Artıq ikiqat Azərbaycan çempionu olan Nuray əvvəlki yarışlarda da uğurları ilə seçilib.
Təqdim olunan məlumatlara görə, o, Azərbaycanda keçirilən Dünya Kubokunda birinci yerə layiq görülüb və Avropa yarışlarında iştirak edib. Girnədə qazandığı qələbə isə gənc idmançının nailiyyətlər siyahısına yeni bir beynəlxalq uğur əlavə edib.
Yeniyetmə yaşında dünya çempionatında qalib gəlmək ciddi hazırlıq, fiziki dözümlülük və psixoloji möhkəmlik tələb edir. Nurayın nəticəsi onun idmana məsuliyyətlə yanaşmasının və məşqlər zamanı əldə etdiyi təcrübənin əhəmiyyətini göstərir.
Nurayın gələcəklə bağlı məqsədləri də diqqətəlayiqdir. O, gələcəkdə polis olmaq, dövlətinə və xalqına xidmət etmək arzusundadır. İdmanın aşıladığı intizam, məsuliyyət və özünü idarəetmə bacarıqları bu məqsədə doğru irəliləməsində ona kömək edə bilər.
Gənc idmançının uğurlarında ailəsinin mənəvi dəstəyi də mühüm yer tutur. Anası Məhrubə xanım Usubovanın, bacısı Xəyalə xanımın və digər doğmalarının diqqəti Nuray üçün əlavə stimul yaradır. Ailənin sevincini bölüşməsi, onun gələcək hədəflərinə inanması bu uğur hekayəsinin mənəvi tərəfini tamamlayır.
Muhammed Əliyev: ardıcıl nəticələr və yeni hədəflər
Digər qalibimiz 17 yaşlı Muhammed Fəqan oğlu Əliyevdir. O, 23 fevral 2009-cu ildə Bakı şəhərində anadan olub və 2016-cı ildən Fərrux Zülfüqarovun rəhbərliyi altında kikboksinqlə məşğul olmağa başlayıb.
Muhammedin idman yolu müxtəlif yarışlarda iştirak və əldə edilən nəticələrlə zəngindir. O, 6 may 2018-ci ildə Ulu Öndər Heydər Əliyevin xatirəsinə həsr olunmuş turnirdə iştirak edib. Sonrakı illərdə 53 yarışda mübarizə aparıb. Təqdim olunan məlumatlara əsasən, 2018–2019-cu illərdə Azərbaycan çempionu olub, Rusiyanın Anapa şəhərində keçirilən Dünya Kubokunda üçüncü yeri tutub.
Muhammed 2022, 2023, 2024 və 2025-ci illərdə Euro-Asia çempionatlarında birinci yerə layiq görülüb. 2023-cü ildə Gürcüstanın Tbilisi şəhərində keçirilən Dünya Kubokunda qazandığı qələbə və 2024-cü ildə Özbəkistanın Daşkənd şəhərində təşkil olunan WAKO Dünya Kubokunda üçüncü yeri tutması onun beynəlxalq təcrübəsini artırıb.
2026-cı ildə Xırdalan şəhər 1 nömrəli tam orta məktəbini bitirən Muhammed qarşısına yeni məqsədlər qoyub. Azərbaycan Dövlət Bədən Tərbiyəsi və İdman Akademiyasında təhsil almaq, peşəkar idmançı kimi yetişmək və gələcəkdə polis olaraq xidmət göstərmək onun əsas arzularındandır. Girnədə qazandığı birincilik bu hədəflərə doğru irəliləyərkən onun üçün mühüm motivasiya mənbəyi ola bilər.
Dünya çempionatının açılışında rəsmi şəxslərin iştirakı və Azərbaycan idmanına dəstək
Şimali Kiprin Girne şəhərində keçirilən BUDO döyüş növləri üzrə Açıq Dünya Çempionatı beynəlxalq idman əməkdaşlığının və gənc idmançıların bacarıqlarının nümayiş etdirilməsi baxımından əlamətdar hadisə olub. Yarışın açılış mərasimində Azərbaycan BUDO Döyüş Növləri Federasiyasının prezidenti Faiq Rəfiyev, Şimali Kipr Türk Respublikasının Prezidenti Tufan Erhürman və Dünya BUDO Döyüş Növləri Federasiyasının prezidenti Eyup Zafer Gökbilen iştirak ediblər. Rəsmi şəxslərin mərasimdə iştirakı idman tədbirinə xüsusi əhəmiyyət qazandırıb.
Çempionat çərçivəsində Azərbaycanı təmsil edən yeniyetmə idmançılarımızın uğurları, xüsusilə Fərrux Zülfüqarov və onun yetirmələri Nuray Həsənzadə ilə Muhammed Əliyevin birincilik qazanması qürurverici məqamlardan olub. Beynəlxalq yarışda əldə edilən nəticələr idmançılarımızın hazırlığını, əzmini və qələbə iradəsini nümayiş etdirib. Açılış mərasimində iştirak edən rəsmi şəxslər bu mötəbər idman tədbirinin ab-havasına şahidlik edib, yarışın əhəmiyyətini bir daha ön plana çıxarıblar.
Tədbirin sonunda Azərbaycan BUDO Döyüş Növləri Federasiyasının prezidenti Faiq Rəfiyev müsahibə verərək ölkəmizdə idmanın inkişafına göstərilən diqqət və qayğıdan danışıb. O, Prezident cənab İlham Əliyevin idman sahəsinə verdiyi yüksək dəyərin idmançılarımızın uğurlarında mühüm əhəmiyyət daşıdığını vurğulayıb. Faiq Rəfiyev qalib idmançılarımızı təbrik edərək onlara gələcək yarışlarda yeni nailiyyətlər arzulayıb.
Federasiya prezidentinin ən böyük arzularından biri Azərbaycan bayrağının beynəlxalq idman arenalarında daim yüksəklərə qaldırılması, idmançılarımızın yarışlarda birinci yerlərə layiq görülməsi və ölkəmizin adını yeni qələbələrlə tanıtmasıdır.
Girnədə yaşanan bu sevinc bir daha göstərib ki, gənclərə yaradılan imkanlar, məşqçilərin zəhməti və dövlətin idmana göstərdiyi diqqət uğurlu nəticələrin əldə olunmasında mühüm rol oynayır. Azərbaycan idmançılarının qazandıqları qələbələr ölkəmizin idman nüfuzunu möhkəmləndirən, gənc nəslə ruh yüksəkliyi verən əlamətdar nailiyyətlərdir.
İdmanın inkişafı və dövlət qayğısı
Azərbaycan idmançılarının beynəlxalq yarışlarda qazandıqları nailiyyətlər ölkəmizdə idmanın inkişafına göstərilən diqqətin əhəmiyyətini bir daha gündəmə gətirir. Ulu Öndər Heydər Əliyevin formalaşdırdığı idman ənənələri bu gün də davam etdirilir. Prezident cənab İlham Əliyevin rəhbərliyi ilə idman infrastrukturunun inkişafı, gənclərin idmana cəlb olunması və idmançılarımızın beynəlxalq yarışlarda iştirakının dəstəklənməsi ölkəmizin idman potensialının möhkəmlənməsinə xidmət edir.
Bu uğurların ictimaiyyətə çatdırılması da vacibdir. Gənc idmançıların əldə etdikləri nəticələr digər yeniyetmələri sağlam həyat tərzinə, məqsədyönlü çalışmağa və öz bacarıqlarını inkişaf etdirməyə həvəsləndirir.
Nuray Həsənzadənin beynəlxalq yarışda iştirakına dəstək göstərən PAŞA Holdinqə də təşəkkürümüzü bildiririk. Gənclərin idman sahəsində inkişafına verilən dəstək onların təcrübə qazanması və potensiallarını nümayiş etdirməsi baxımından əhəmiyyətlidir.
Fərrux Zülfüqarovun, Nuray Həsənzadənin və Muhammed Əliyevin Girnədə qazandıqları qələbə, oktyabrın 25-də Vətənə kuboklarla qayıtmaları və hava limanında təntənəli qarşılanmaları bir uğur hekayəsinin müxtəlif məqamlarıdır. Bu hadisə müəllim əməyinin, gənclərin əzminin və ailə dəstəyinin bir araya gəldikdə necə sevindirici nəticələr doğurduğunu göstərir.
Qalib idmançılarımıza gələcək yarışlarda yeni uğurlar, möhkəm cansağlığı və tükənməz mübarizə əzmi arzulayırıq. Qoy üçrəngli bayrağımız beynəlxalq arenalarda daim yüksəklərdə dalğalansın, Azərbaycan idmançılarının qələbələri xalqımıza yeni sevinc və qürur yaşatsın!

Məhruba Usubova
Heqiqixeber.az-ın rəhbəri,
AJB-nin üzvü, “Qızıl qələm” mükafatçısı










Fərid Səfərov]]>