Qadın futbolçulardan ibarət Azərbaycan yığması Millətlər Liqasında növbəti matçına çıxır

4-04-2025, 09:34

Qadın futbolçulardan ibarət Azərbaycan yığması Millətlər Liqasında növbəti matçına çıxırQadın futbolçulardan ibarət Azərbaycan yığması UEFA Millətlər Liqasında növbəti oyununu bu gün keçirəcək.

"Report"un məlumatına görə, Siyasət Əsgərovun baş məşqçisi olduğu kollektiv C Liqasının IV qrupunda Litvanın qonağı olacaq.

Vilnüsdəki “Jalgiris” stadionunda təşkil ediləcək qarşılaşma Bakı vaxtı ilə saat 20:00-da start götürəcək. Matçı avstriyalı Marina Zeçner idarə edəcək.

Qeyd edək ki, Azərbaycan yığması aprelin 8-də səfərdə Monteneqro ilə üz-üzə gələcək. Komanda daha əvvəl Bakıda bu rəqiblə qolsuz heç-heçə edib. Qrupda iki oyun keçirən Monteneqro Litvanı 3:1 hesabı ilə üstələyib.

Mənbə: https://memurtv.az/idman/14868-qadin-futbolchulardan-ibaret-azerbaycan-yigmasi-milletler-liqasinda-novbeti-matchina-chixir.html