“Azərbaycanda keçiriləcək I Avropa Oyunları bütün Avropanı bir araya gətirəcək mötəbər idman hadisəsidir”.


APA-nın “british-gymnastics.org” saytına istinadən verdiyi məlumata görə, bunu ingiltərəli gimnast Brinn Bevan deyib.

O bildirib ki, bu, onun üçün yüksək səviyyəli ilk yarışıdır. Zədə almasına rəğmən Avropa Oyunlarında iştirak etmək üçün sürətli fizioterapiya kursu keçən Bevan belə bir möhtəşəm yarışın həyəcanından kənarda qalmaq istəmədiyini deyib:

“Mən çox sevinirəm ki, bu oyunlar üçün seçilmişəm. Bu idman yarışının bir parçası olmaqdan qürur duyuram. İlk dəfə keçirilən Avropa oyunları ilə birlikdə mən də tarix yazmaq niyyətindəyəm”.