Memur.Az xəbər verir ki, Gəncə Şəhər Təcili Tibbi Yardım Xəstəxanasından Kəpəz TV-yə (Region TV) verilən məlumata görə, Kəlbəcərli məcburi köçkün 27 yaşlı Nurxanım Tağıyeva xəstəxananın travmatologiya şöbəsinə gətirilib. Tağıyevaya tibbi yardım göstərilib.

Yaxınlarının bildirdiyinə görə, Nurxanım Tağıyeva Göygöldə atasıgilə gəlib və həyat yoldaşı onu şəxsi münasibətlər zəminində yolu keçmək istəyərkən avtomobillə vurub. Yaralının vəziyyəti yaxşı olduğundan ambulator müalicəyə buraxılıb.

Faktla bağlı araşdırma aparılır.